क्राईम डायरी : इंदिरानगरला पादचारी वृध्देची सोनसाखळी हिसकावली

नाशिक : कलानगर चौकातून सराफनगरकडे पायी आपल्या पतीसोबत जात असलेल्या एका ६०वर्षीय वृध्देच्या गळ्यातील १०ग्रॅम वजनाचे सोन्याचे मंगळसूत्र दुचाकीवरून ...

ठळक मुद्दे२५हजार रूपये किंमतीची सोनसाखळी काकाकडून अल्पवयीन पुतणीचा विनयभंगविवाहचे आमिष दाखवून महिलेवर अत्याचार

नाशिक : कलानगर चौकातून सराफनगरकडे पायी आपल्या पतीसोबत जात असलेल्या एका ६०वर्षीय वृध्देच्या गळ्यातील १०ग्रॅम वजनाचे सोन्याचे मंगळसूत्र दुचाकीवरून आलेल्या एका चोरट्याने हिसकावून पळ काढला. याप्रकरणी इंदिरानगर पोलिसांनी गुन्हा दाखल केला आहे.
शोभा रमेश घुले (रा.सराफनगर लेन-१) या मंगळवारी (दि.१८) कलानगरकडून पायी सराफनगरकडे पतीसोबत जात होत्या. यावेळी सिंग महाविद्यालयाच्या प्रवेशद्वार क्रमाकं २च्या समोर विरूध्द दिशेने दुचाकीवरून आलेल्या अज्ञात चोरट्याने संध्याकाळी साडेसात वाजेच्या सुमारास मंगळसुत्र खेचले. यानंतर घुले दाम्पत्याने आरडाओरड केली असता नागरिक जमले, मात्र तोपर्यंत चोरटा दुचाकीवरून सुसाट फरार झालेला होता. घटनेची माहिती तत्काळ इंदिरानगर पोलिसांना कळविण्यात आली. माहिती मिळताच त्वरित पोलीस घटनास्थळी पोहचले मात्र त्यांच्याही हाती उशिरापर्यंत चोरटा लागलेला नव्हता. पोलिसांनी घुले यांनी दिलेल्या फिर्यादीवरून २५हजार रूपये किंमतीची सोनसाखळी हिसकावून नेल्याप्रकरणी अज्ञात चोरट्याविरूध्द चोरीचा गुन्हा दाखल करण्यात आला आहे. पुढील तपास उपनिरिक्षक जगदाळे हे करीत आहेत.

काकाकडून अल्पवयीन पुतणीचा विनयभंग
नाशिक : अश्लील चित्रफीती वारंवार आपल्या अल्पवयीन पुतणीला दाखवून तिचा विनयभंग करणाऱ्या संशयित काकाविरूध्द अंबड पोलिस ठाण्यात बालकांचे लैंगिक अपराधापासून संरक्षण कायद्यान्वये (पोक्सो) तसेच विनयभंगाचा गुन्हा दाखल करण्यात आला आहे.
सिडकोतील सिंहस्थनगर परिसरात राहणाºया एका काकाविरूध्द पिडित मुलीच्या आईने फिर्याद दिली आहे. फिर्यादीत म्हटले आहे, पिडितेचा नात्याने काका असलेल्या संशयिताकडून २०१५ फेब्रुवारीपासून आपल्या अल्पवयीन पुतणीला वारंवार अश्लील चित्रफिती मोबाईल घरातील टीव्हीवर जोडून दाखवत होता. मात्र पिडिता लहान असल्याने ती घाबरून याबाबत कोणालाही सांगत नव्हती. अखेर तिने धाडस करून काकूकडे ही बाब सांगितली असता काकूने तिला गप्प बसण्यास सांगितले. त्यानंतर त्या अल्पवयीन मुलीने आपल्या आईकडे ही बाब बोलून दाखविली. आईने तत्काळ पोलीस ठाणे गाठून घडला प्रकार सांगितला असता पोलिसांनी संशयित काकाविरूध्द गुन्हा दाखल केला आहे.

विवाहचे आमिष दाखवून महिलेवर अत्याचार
नाशिक : विवाहचे आमिष दाखवून मागील तीन वर्षापासून पिडितेवर वारंवार लैंगिक अत्याचार केल्याची घटना उघडकीस आली आहे. याप्रकरणी पिडितेच्या फिर्यादीवरून पोलिसांनी बलात्काराचा गुन्हा दाखल केला आहे.
पाथर्डीफाटा येथील अमृतपार्कमध्ये राहणारा संशयित आरोपी सागर राजेंद्र खताळ याने पीडितेसोबत मैत्री करून नंतर प्रेम करत विवाहचे आमीष दाखविले. हे दोघेही तीन वर्षांपुर्वी एकमेकांचे शेजारी होते. पिडितेने सागरवर विश्वास दाखविला. त्याचा गैरफायदा घेत त्याने मागील तीन वर्षांपासून पिडितेवर वारंवार अत्याचार केले, असे तिने फिर्यादीत म्हटले आहे. पीडितेने लग्नासाठी तगादा लावला असता संशियत आरोपी खताळ याने तिला मारहाण केली. यानंतर पिडितेने इंदिरानगर पोलीस ठाणे गाठून घडलेला प्रकार कथन करत फिर्याद दिली. या फिर्यादीवरून पोलिसांनी संशयित सागरविरूध्द बलात्काराचा गुन्हा दाखल केला आहे. पुढील तपास इंदिरानगर पोलीस करत आहेत.