२७० नवसैनिकांची तुकडी देशसेवेत

सैन्यदलात भरती होण्याचे स्वप्न बघणाऱ्या युवकांना भारतीय सेनेत जाण्याचा मार्ग दाखविणाऱ्या तोफखाना केंद्राची स्थापना नाशकात १९४८ साली करण्यात आली. देशातील सर्वात मोठे तोफखाना प्रशिक्षण केंद्र असल्याचा गौरव या केंद्राला प्राप्त आहे. दरवर्षी शेकडोंच्या संख्येने नवसैनिक तोफा चालविण्याचे शास्त्रशुध्द सैनिकी प्रशिक्षण घेत भारतीय सेनेत या केंद्राच्या उमराव मैदानातून दाखल होतात. गुरुवारी कोरोनाच्या सावटाखाली पार पडलेल्या नवसैनिकांच्या शपथविधी सोहळ्याला प्रमुख अतिथी म्हणून केंद्राचे कमांडंट ब्रिगेडियर जे.एस. गोराया उपस्थित होते. त्यांनी मैदानावरील संचलनाचे बारकाईने निरीक्षण करत उपस्थित नवसैनिकांना त्यांच्या उज्ज्वल भवितव्यासाठी गुरुमंत्र देत शुभेच्छा दिल्या. फेब्रुवारी महिन्याप्रमाणेच गुरुवारीसुध्दा या सोहळ्यावर कोरोनाचे सावट पाहावयास मिळाले. संचलनात सहभागी झालेल्या २७० जवानांच्या तुकडीने तोंडावर मास्क लावून व परस्परांमध्ये अंतर राखल्याचे दिसून आले. सैनिकी शिस्तीचे दर्शन यावेळी घडले.

शपथविधीसाठी केंद्राच्या पारंपरिक प्रथेनुसार मैदानावर होवित्झर, बोफोर्स, सॉल्टम, मल्टिरॉकेट लॉन्चर यांसारख्या तोफा आणण्यात आल्या होत्या. उत्कृष्ट अष्टपैलू प्रशिक्षणार्थी म्हणून नारायण शिंदे या नवसैनिकाला गौरविण्यात आले. या सोहळ्यादरम्यान, लष्करी बॅन्डने वाजविलेल्या ‘कदम-कदम बढायें जा...’ आणि ‘शेर ए-जवँ’च्या धूनने प्रशिक्षणार्थींच्या संचलनामध्ये उत्साह संचारला होता.

---इन्फो--

...यंदा ‘गौरव पदक’ जवानांकडे सुपूर्द

कोरोनाचा वाढता प्रादुर्भाव लक्षात घेता तोफखान्यातील सुरक्षिततेच्या दृष्टीने जवानांच्या विविध गावांमधून येणाऱ्या पालकांना या सोहळ्यासाठी प्रवेशास मनाई करण्यात आली होती. यामुळे जवानांच्या कुटुंबीयांना या सोहळ्याला उपस्थित राहता आले नाही. मोठ्या सन्मानाने वरिष्ठ लष्करी अधिकाऱ्यांनी यावेळी माता-पित्यांना दिले जाणारे ‘गौरव पदक’ यंदा नवसैनिकांकडे सुपूर्द करत त्यांच्या माता-पित्यांविषयी कृतज्ञता व्यक्त केली.

---इन्फो---

सैनिकी धर्म बजावावा

नवसैनिकांनी नेहमीच ‘सैनिक’ धर्म बजावावा आणि भारताची सेवा करत भारतीय सेनेची उज्ज्वल परंपरा आणि इतिहास सदैव स्मरणात ठेवावा, असे आवाहन केले. नवसैनिकांच्या तुकडीने मैदानावर संचलन करत उपस्थितांच्या डोळ्यांचे पारणे फेडले. यावेळी नवसैनिकांचे गोराया यांनी भारतीय सैन्यदलात स्वागत करत भावी वाटचालीसाठी शुभेच्छा दिल्या. देशसेवेत आपले चोख योगदान देत नवसैनिकांनी नेहमीच ‘सैनिक’ धर्म बजावावा आणि तोफखाना केंद्राचा नावलौकिक वाढवावा, असे ब्रिगेडियर जे.एस. गराया यांनी यावेळी सांगितले.

----

फोटो आर वर १८आर्टीलरी/१/२

===Photopath===

180321\18nsk_17_18032021_13.jpg~180321\18nsk_18_18032021_13.jpg

===Caption===

भारतीय तोफखाना केंद्रात संचलन करताना जवान~मानवंदना देताना जवान.