विस्कळीत पाणीपुरवठ्यामुळे नागरिकांची गैरसोय

विस्कळीत पाणीपुरवठ्यामुळे नागरिकांची गैरसोय

पंचवटी : शुक्रवारी सकाळी पंचवटी परिसरात सायंकाळचा पाणीपुरवठा विस्कळीत झाल्याने शनिवारच्या सकाळी नागरिकांची चांगलीच गैरसोय निर्माण झाली होती.
प्रशासनाने जलशुद्धीकरण केंद्राच्या ठिकाणी दुरुस्तीचे काम हाती घेतल्याने शुक्रवारी सायंकाळी संपूर्ण पंचवटी परिसरात पाणीपुरवठा करण्यात आलेला नव्हता. सायंकाळच्या सुमाराला पाणीपुरवठा होणार नाही याबाबत प्रशासनाने नागरिकांना सूचित केले असले तरी काही नागरिकांना याबाबत माहिती नसल्याने त्यांची मोठी गैरसोय निर्माण झाली. शुक्रवारी सायंकाळी नियमित वेळेत पाणीपुरवठा झालाच नसल्याने त्याचा परिणाम शनिवारच्या दिवशी झाला. अनेक सोसायट्या तसेच इमारतींचे जलकुंभ शुक्रवारीच रिकामे झाल्याने शनिवारी सकाळी कामानिमित्ताने घराबाहेर पडणाऱ्या कामगार वर्गाची चांगलीच धावपळ झाली. (वार्ताहर)