देशीदादा खून; सहा जणांना अटक

मालेगाव : शहरातील अश्रफ चौकात कुख्यात गुंड अब्दुल रहीम निसार अहमद ऊर्फ देशीदादा याचा निर्घृणपणे खून केल्याप्रकरणी पवारवाडी पोलिसांनी मुख्य संशयित जलील अहमद ऊर्फ जल्ला दादा (५२, रा. नयापुरा) याच्यासह सहा जणांना अटक केली आहे. पूर्ववैमनस्यातून खून केल्याची कबुली दिली आहे.

ठळक मुद्देशहरातील अश्रफ चौकात कुख्यात गुंड अब्दुल रहीम निसार अहमद ऊर्फ देशीदादावर शुक्रवारी रात्री तलवारीने हल्ला करून त्याचा खून करण्यात आला होता.

मालेगाव : शहरातील अश्रफ चौकात कुख्यात गुंड अब्दुल रहीम निसार अहमद ऊर्फ देशीदादा याचा निर्घृणपणे खून केल्याप्रकरणी पवारवाडी पोलिसांनी मुख्य संशयित जलील अहमद ऊर्फ जल्ला दादा (५२, रा. नयापुरा) याच्यासह सहा जणांना अटक केली आहे. पूर्ववैमनस्यातून खून केल्याची कबुली दिली आहे.
याप्रकरणी पोलिसांनी तपासाची चक्रे गतिमान फिरवित अवघ्या १२ तासांत मसुद अख्तर मो. अमीन (२३), नफीज अहमद मो. सलीम दोघे रा. मोहंमदाबाद, मैफुज रहेमान मुश्ताक अहमद (२२), सलीम अहमद सईद अहमद (२६), मोहंमद इस्माईल कलिम अहमद ऊर्फ अय्याव्वा (३५, रा. गोल्डननगर) यांना अटक करण्यात आली आहे.



या सहा जणांनी देशीदादा याच्यावर धारदार शस्त्रांनी तोंडावर, मानेवर, डोक्यात शरीरावर वार केले होते. सर्वांना आझादनगर पोलीस ठाण्यात हजर करण्यात आले आहे. पोलीसांनी गुन्ह्यात वापरलेली दुचाकी (क्र. एम.एच.४१ एएच ५६६३) ही जप्त केली आहे. सदरची कारवाई पोलीस उपअधीक्षक रत्नाकर नवले, पवारवाडी पोलीस ठाण्याचे सहायक पोलीस
निरीक्षक सचिन वांगडे, पोलीस हवालदार सचिन भामरे, सुरेश बाविस्कर, भरत गांगुर्डे, अतुल पवार, श्रीराम बोरसे आदींच्या पथकाने केली आहे. पोलीस अधीक्षक संजय दराडे यांच्या मार्गदर्शनाखाली कारवाई करण्यात आली.