डॉ. गिरीश गांधी यांना पहिला सेवादास राष्ट्रीय पुरस्कार

नाशिक : साहित्य क्षेत्रासाठी कार्यरत असलेल्या सूर्योदय सर्वसमावेशक मंडळाच्या वतीने नागपूरचे ज्येष्ठ समाजसेवक गिरीश गांधी यांना ‘पहिला सेवादास श्री दलुभाऊ जैन सूर्योदय समाजसेवा राष्ट्रीय पुरस्कार’ जाहीर करण्यात आल्याची माहिती मंडळाचे अध्यक्ष सतीश जैन यांनी दिली.

गिरीश गांधी यांची निवड ही सुधाकर गायधनी, सावळीराम तिदमे, साहेबराव पाटील, डी.बी. महाजन, प्रवीण लोहार या निवड समितीने केली आहे. एकवीस हजार रोख आणि गौरवपत्र असे या पुरस्काराचे स्वरूप आहे. गिरीश गांधी यांचे पर्यावरण, साहित्य, सांस्कृतिक, सामाजिक क्षेत्रात मोठे योगदान असून, या प्रदीर्घ सेवेबद्दल त्यांना हा पुरस्कार जानेवारी महिन्यात जळगावला नियोजित पहिले अखिल भारतीय सूर्योदय मराठी साहित्य संमेलनात प्रदान करण्यात येणार आहे. भारत सरकारचा इंदिरा गांधी पर्यावरण पुरस्कार यासह डाॅ. बाबासाहेब आंबेडकर पुरस्कार, वसंतराव नाईक कृषी प्रतिष्ठानचा पुरस्कार, झाकीर हुसेन मेमोरियल राष्ट्रीय पुरस्कार, संत तुकडोजी महाराज जीवन साधना पुरस्कार व अनेक पुरस्कारांनी त्यांना यापूर्वीच गौरवण्यात आले आहे.

फोट

२१डॉ. गांधी