उड्डाणपुलावर आयशरची कंटेनरला धडक; मायलेकींचा जागीच मृत्यू

पोलिसांनी दिलेल्या माहितीनुसार, कन्नमवार पूल परीसरातील मुंबई आग्रा महामार्ग उड्डानपुलावर झालेल्या अपघातात एक सात वर्षाच्या मुलीसह तिच्या आईचा मृत्यू झाला आहे.

नाशिक : शहरातून जाणाऱ्या मुंबई आग्रा महामार्गावरील उड्डान पुलावर मंगळवारी (दि.२३) सकाळी द्वारका ते आडगाव दरम्यानच्या कन्नमवार पुलावर आयशर ट्रक व कंटेनरमध्ये या वाहनांमध्ये भीषण अपघात झाला असून या अपघातात मायलेकींचा दुर्दैवी मृत्यू झाल्याची दुर्दैवी घटना घडली आहे. तर कंटेनरचा आणि आयशर ट्रकचे चालक या अपघातात जखमी झाला असून एका आठ वर्षाच्या मुलीचाही जखमींमध्ये समावेश आहे.

पोलिसांनी दिलेल्या माहितीनुसार, कन्नमवार पूल परीसरातील मुंबई आग्रा महामार्ग उड्डानपुलावर झालेल्या अपघातात एक सात वर्षाच्या मुलीसह तिच्या आईचा मृत्यू झाला आहे. मृतांमध्ये सात वर्षाची तरनुम अफजल शेख व तिची आई नफिसा अफजल शेख (२९) यांचा सामावेश असून कंटेनर चालक मोहम्मद ताहिर कुदरतअली शेख व आयशर चालक अफजल शेख यांच्यासह एक ८वर्षाची मुलगी आयशा शेख जखमी झाली आहे. या अपघातातील रुग्णांना औषधोपचारासाठी तत्काळ रुग्णालयात दाखल करण्यात आले असून पंचवटी पोलिस अधिक तपास करीत आहेत. दरम्यान, नाशिक शहरात अपघाताच्या घटना नित्याच्या झाल्या असून रोजच कुठे ना कुठे अपघात घडत आहे. अशातच नाशिक मुंबई महामार्गावर आज सकाळी भीषण अपघाताची घटना घडली असून यात मायलेकींचा मृत्यू झाल्याने शहरात हळहळ व्यक्त होत आहे.