बँकेतून पावणे दहा लाखांचा अपहार

-----

शरणपूर रोडवरील घरफोडीत एक लाखाचा ऐवज लुटला

नाशिक : शरणपूर रोडवरील साधू वासवानी रस्त्यावर असलेल्या पार्क अव्हेन्यू सोसायटीत राहणारे चेतन गुलाबचंद राठी (४५) यांच्या बंद घराचे कूलुप तोडून अज्ञात चोरट्यांनी मौल्यवान दागिने, रोकड असा सुमारे १ लाख रुपयांचा ऐवज लंपास केला आहे. यामध्ये २० हजारांच्या रोकडसह १ लाखांची देवाची चांदीची भांडी, तसेच देवांच्या चार मूर्ती, तीन किलो चांदीच्या वस्तू चोरट्याने गायब केल्याचे राठी यांनी दिलेल्या फिर्यादीत म्हटले आहे. याप्रकरणी सरकारवाडा पोलिसांनी अज्ञात चोरट्याविरुद्ध घरफोडीचा गुन्हा दाखल केला आहे.

-------

हातचलाखी करत मोबाइल, रोकड हिसकावली

नाशिक : ‘आम्ही शिर्डी येथून आलो आहोत, तुला आशीर्वाद देत तुझे कल्याण करून टाकू,’ असे सांगत बोलण्यामध्ये मग्न करत पैसे दुप्पट करण्याचे आमिष दाखवून हातचलाखीने संशयितांनी फिर्यादी अरुणकुमार रामकुमार गुप्ता (३२, रा. कौशंबी, उत्तरप्रदेश) यास ठक्कर बाजार बसस्थानकाच्या आवारात संशयित चोरट्यांनी गंडा घातला. त्याच्याजवळ असलेली एक हजाराची रोकड, मोबाइल हातचलाखीने काढून घेत पोबारा केल्याची घटना घडली. याप्रकरणी गुप्ता यांनी सरकारवाडा पोलीस ठाण्यात दिलेल्या फिर्यादीनुसार पोलिसांनी संशयित शाहरुख नुरमंहमद मदारी (रा. मोंढा मार्केट, वैजापूर) यास अटक केली आहे. त्याचा साथीदार संशयित रशिद बुरा (रा. चाळीसगाव) हा फरार असून, पोलीस त्याचा शोध घेत आहेत. फकिरीच्या वेशात हे दोघे बसस्थानक, रेल्वेस्थानक परिसरात प्रवाशांना गंडा घालत असल्याचे उघडकीस आले आहे.

-------