गोविंदनगर-सिटी सेंटर मॉल रस्त्यावर अतिक्रमण

गोविंदनगर जॉगिंग ट्रॅक ते सिटी सेंटर मॉलकडे जाणाऱ्या मुख्य रस्त्यावर हातगाडी व्यावसायिकांनी अतिक्रमण केले असल्याचे चित्र बघावयास मिळत आहे.

ठळक मुद्देमहापालिकेचे दुर्लक्ष : अपघातात वाढ; नागरिक संतप्त

सिडको : येथील गोविंदनगर जॉगिंग ट्रॅक ते सिटी सेंटर मॉलकडे जाणाऱ्या मुख्य रस्त्यावर हातगाडी व्यावसायिकांनी अतिक्रमण केले असल्याचे चित्र बघावयास मिळत आहे. तत्कालीन मनपा आयुक्त तुकाराम मुंढे यांची बदली झाल्यानंतर येथील अतिक्रमणात अधिक भर पडली असून, यामुळे याच रस्त्यावर मोठ्या प्रमाणात अपघातही होत आहे. याबाबत महापालिकेकडून दुर्लक्ष केले जात असल्याने अतिक्रमणात वाढ होत आहे.
सिडको भागातील मुख्य रस्त्यावर तसेच मुख्य चौक असलेल्या ठिकाणी अतिक्रमणामुळे रस्त्याने चालणे मुश्कील होत असतानाच आता गोविंदनगर जॉगिंग ट्रॅक ते सिटी सेंटर मॉलकडे जाणाऱ्या मुख्य रस्त्यावरदेखील मोठ्या अतिक्रमण झाल्याचे चित्र बघावयास मिळत आहे. सिडकोतील पवननगर, त्रिमूर्ती चौक, उत्तमनगर, शिवाजी चौक, उपेंद्रनगर, उंटवाडी, अंबड परिसर यांसह संपूर्ण सिडको भागातील मुख्य रस्ते तसेच बाजारपेठ असलेल्या ठिकाणी मोठ्या प्रमाणात अतिक्रमण झाले आहे. फळविक्रेते, भाजीपाला व्यावसायिक याबरोबरच विविध व्यवसाय करणाऱ्यांची संख्या दिवसेंदिवस वाढतच चालल्याने रस्त्याने वाहन चालविणे
मुश्कील होत असून,
यामुळे अपघाताचे प्रमाण वाढले आहे. महापालिकेने याबाबत दखल घेत रहदारीस अडथळ ठरणारे अतिक्रमण हरविण्याची मागणी वाहनधारक व नागरिकांकडून करण्यात येत आहे.
साइडपट्ट्यांवर पालापाचोळा
गोविंदनगर जॉगिंग ट्रॅक ते सिटी सेंटर मॉलकडे जाणारा मुख्य रस्ता हा प्रशस्त करण्यात आला असून, रस्त्याच्या मधोमध असलेल्या डिव्हायडरमध्ये सुशोभिकरणही करण्यात आले आहे. परंतु याच रस्त्याच्या साइटपट्ट्यांवरदेखील मोठ्या प्रमाणात झाडांचा पालापाचोळा, तसेच झाडांच्या फांद्या पडलेल्या असून, याचीही स्वच्छता मनपाने करण्याची गरज असल्याचे नागरिकांकडून सांगण्यात येत आहे.
नागरी समस्यांत वाढ
तत्कालीन आयुक्त तुकाराम मुंढे यांनी त्यांच्या कार्यकाळात नागरिकांना मनपाशी संबंधित भेडसावणाºया समस्यांचा निपटारा व्हावा यासाठी ‘वॉक विथ कमिशनर’ हा उपक्रम हाती घेतला होता. यात आयुक्त स्वत: नागरिकांच्या समस्या लेखी स्वरूपात घेत त्या संबंधित अधिकाºयांकडून सोडवून घेत होते. यामुळे सिडको भागातील अनेक नागरी समस्या मार्गी लागत होत्या. परंतु त्यांची बदली झाल्यानंतर नागरी समस्यांमध्ये वाढ झाल्याचे चित्र बघावयास मिळत आहे. याबाबत सिडको परिसरातील नागरिकांत नाराजी आहे़