बापाचा अल्पवयीन मुलीवर अत्याचार

लेखानगर भागातील झोपडपट्टीत सख्ख्या बापानेच पोटच्या अल्पवयीन मुलीवर अत्याचार केल्याच्या प्रकाराने बाप व मुलीच्या नात्याला काळिमा फासणारी घटना उघडकीस आली आहे. या घृणास्पद प्रकारामुळे पीडित मुलगी गर्भवती राहून तिने एका मुलाला जन्म दिल्याने हा प्रकार उघड झाला असून, याप्रकरणी अंबड पोलिसांनी पीडितेच्या बापासह तीन जणांना अटक केली आहे.

ठळक मुद्देमुलाला जन्म दिल्याने प्रकार उघड लेखानगर झोपड पट्टीत नात्याला काळीमा फासणारी घटना

सिडको : लेखानगर भागातील झोपडपट्टीत सख्ख्या बापानेच पोटच्या अल्पवयीन मुलीवर अत्याचार केल्याच्या प्रकाराने बाप व मुलीच्या नात्याला काळिमा फासणारी घटना उघडकीस आली आहे. या घृणास्पद प्रकारामुळे पीडित मुलगी गर्भवती राहून तिने एका मुलाला जन्म दिल्याने हा प्रकार उघड झाला असून, याप्रकरणी अंबड पोलिसांनी पीडितेच्या बापासह तीन जणांना अटक केली आहे.

लेखानगर झोपडपट्टीतील पीडित चौदा वर्षीय मुलीने बापानेच आपल्यावर अत्याचार केल्याची फिर्याद दिली आहे. पीडित मुलगी लेखानगर झोपडपट्टीत आई, वडील, दोन बहिणी व तीन भावांसमवेत राहात असताना सुमारे ८ ते ९ महिन्यांपूर्वी आई कामाला गेल्यानंतर ती घरात एकटी होती. याचवेळी वडिलांनी दुपारी दाऊ पिऊन येत घरात कोणी नसताना तिच्यावर बळजबरीने अत्याचार केला. तसेच या प्रकाराची वाच्यता केल्यास जीवे ठार मारण्याची धमकीही दिली. त्यानंतर दोन वेळा अशाप्रकारे पीडितेच्या वडिलांनी तिच्यावर अत्याचार केले; परंतु, वडील मारतील या भीतीने तिने घडलेला प्रकार कोणालाही सांगितला नाही. याच सुमारास परिसरातील अरबाज शेख याने घडलेल्या प्रकाराविषयी त्याच्याकडे रेकॉर्डिंग असल्याचे सांगत पीडितेला ब्लॅकमेल करीत बळजबरीने अत्याचार केले. रेकॉर्डिंग दाखविण्याच्या धमकीमुळे पीडितेने घडलेला प्रकार कोणालाही सांगितला नाही. मात्र त्याचा अरबाज शेख याने त्याचा गैरफायदा घेत पीडितेवर वारंवार अत्याचार केला. त्याचप्रमाणे झोपडपट्टीतील उत्तम गिरणीवाला यानेही काही महिन्यांपूर्वी पीडितेला त्याच्या गिरणीत बोलावून त्याच्याकडेही घडलेल्या प्रकाराचे रेकॉर्डिंग असल्याचे सांगत ब्लॅकमेल करीत गिरणीच्या मागील बाथरूममध्ये वारंवार अत्याचार केला. अशाप्रकारे पीडितेवर संशयित आरोपी लियाकत मनियार, आरबाज शेख , उत्तम गिरणीवाला यांनी वारंवार बळजबरीने अत्याचार केल्याने ती गर्भवती राहिली. रुग्णालयात दाखल झाल्यानंतर १५ नोव्हेंबरला तिने एका मुलाला जन्म दिला. या प्रकारानंतर घडलेला प्रकार उघड झाला. तिने दिलेल्या फिर्यादीवरून पोलिसांनी तीनही संशयित आरोपींवर गुन्हा दाखल करून त्यांना अटक केली आहे.