छावण्यांना मुबलक चारा, पाणी मिळण्यासाठी पालकमंत्र्यांना साकडे

सिन्नर : शासनामार्फत तालुक्यात सुरू करण्यात आलेल्या चारा छावण्यांना मुबलक पाणी व चारा देण्याची मागणी भाजपा भटके विमुक्त आघाडीचे जिल्हा उपाध्यक्ष दत्तात्रय गोसावी यांनी पालकमंत्री गिरीश महाजन यांच्याकडे निवेदनाद्वारे केली आहे.

तालुक्यात दुष्काळाच्या पार्श्वभूमीवर गुळवंच, आडवाडी व खापराळे येथे चारा छावण्या सुरू केल्या आहेत. या चारा छावण्यांमधील जनावरांना मुबलक चारा व पाणी देण्याची मागणी निवेदनाद्वारे करण्यात आली. शेतकऱ्यांच्या दुधाला भाव मिळावा तसेच तालुक्यातील रस्ते लवकरात लवकर दुरूस्ती करून वाहनधारकांची गैरसोय दूर करण्याची मागणीही त्यांनी केली.