सेवाभावी संस्थांचा सत्कार ;  गोदावरी गटारीकरण मंचचा उपक्रम

गोदावरी गटारीकरण विरोधी मंच, निसर्ग विज्ञान संस्था व महर्षी चित्रपट संस्था यांच्यावतीने वेगवेगळ्या क्षेत्रात काम करणाऱ्या सामाजिक संस्थांचा नुकताच ज्येष्ठ स्वातंत्र्य सैनिक वसंतराव हुदलीकर यांच्या हस्ते सन्मान करण्यात आला.

नाशिक : गोदावरी गटारीकरण विरोधी मंच, निसर्ग विज्ञान संस्था व महर्षी चित्रपट संस्था यांच्यावतीने वेगवेगळ्या क्षेत्रात काम करणाऱ्या सामाजिक संस्थांचा नुकताच ज्येष्ठ स्वातंत्र्य सैनिक वसंतराव हुदलीकर यांच्या हस्ते सन्मान करण्यात आला. संस्थेच्या कार्यालयाच्या उद्घाटनाच्या निमित्ताने आयोजित या कार्यक्रमात कृषी गो सेवा ट्रस्ट, प्रहार जनशक्ती संघटन, शिवकार्य गडकोट संवर्धन संस्था, मानव उत्थान मंच, दिशा फाउंडेशन, नवनाथ पंथी सामाजिक संस्था, एबीसीएल फिल्म, गोदा संवर्धन मोहीम, वालदेवी नदी प्रदूषण निर्मूलन समिती, कपिला नदी बचाव समिती, केदारनाथ सामाजिक संस्था या संस्थांचा सन्मान करण्यात आला. यावेळी वसंतराव हुदलीकर यांनी सेवाभाव जपणाºयांचा सन्मान हा संस्थाना ऊर्जा देण्याचे काम करत असतो, असे मत व्यक्त केले. संस्थेचे अध्यक्ष निशिकांत पगारे यांनी गोदावरी नदी प्रदूषणमुक्त करायची असेल तर प्रथम उपनद्या प्रदूषणमुक्त झाल्या पाहिजे, असे मत व्यक्त  केले.  सूत्रसंचालन योगेश बर्वे यांनी केले. किरण काळे यांनी संस्थांची माहिती दिली तर आभार प्रा. सोमनाथ मुठाळ यांनी केले.