अखेर ऑक्सिजन प्लांटला महापालिकेची मंजुरी

गेल्या तीन वर्षांपासून अंबड औद्योगिक वसाहतीत ऑक्सिजन प्लांट उभारण्यासाठी मनपाच्या नगररचना विभाग या प्लांटला परवानगी देण्यासाठी टाळाटाळ करत होते.

नाशिक शहरामध्ये करोना बाधितांची संख्या मोठ्या प्रमाणावर वाढली आहे. या पार्श्‍वभूमीवर नाशिक शहरामध्ये ऑक्सिजनचा मोठ्या प्रमाणावर तुटवडा जाणवत असल्याने ऑक्सिजन न मिळाल्याने बऱ्याच बाधित नागरिकांना आपले प्राण गमवावे लागले आहे. मनपा आयुक्त कैलास जाधव यांनी अंबड तसेच सातपूर औद्योगिक वसाहतीत उद्योजकांना ऑक्सिजन प्लांट उभारण्यासाठी उद्योजकांनी पुढे यावे, असे आवाहन केले होते. मात्र गेल्या तीन ते चार वर्षापासून ऑक्सिजन प्लांटसाठी सर्व कागदपत्र मनपा नगररचना विभागात सादर करूनदेखील ऑक्सिजन व इतर गॅस रिफिलिंग प्लांट लावण्यासाठी परवानगी देण्यास टाळाटाळ करीत असल्याने उद्योजक साहेबराव दतीर यांनी मनपा विरोधात विरोधात सर्वोच्च न्यायालयात जाणार असल्याचे सांगितल्या नंतर अखेरीस मनपाच्या नगररचना विभागाने प्लांट उभारण्यासाठी हिरवा कंदील दिला आहे. मनपा अधिकारी संजय अग्रवाल व त्यांच्या पथकाने अंबड औद्योगिक वसाहतीत दातीर यांच्या मालकीच्या जागेची पाहणी देखील केली.

कोट===

अंबड औद्योगिक वसाहतीत अंबड गाव लगत १२०० वार चा प्लाट आहे. या ठिकाणी ऑक्सिजन प्लांट उभारण्यासाठी मनपाने परवानगी दिली असून लवकरच या ठिकाणी ऑक्सिजन प्लांट उभारणार सुरुवात करणार आहे.

-साहेबराव दतीर,उद्योजक