माजी आमदार भोसले ‘मनसे’ कोणाबरोबर?

निवडणुकांचे दिवस सुरू झाले की पक्षांतर सुरू होतात. अलीकडेच भाजपाचे माजी आमदार बाळासाहेब सानप शिवसेनेतून स्वगृही परत आले. तर त्यानंतर काही दिवसांतच भाजपचे माजी प्रदेश उपाध्यक्ष राहिलेले वसंत गीते व सुनील बागूल शिवसेनेत दाखल झाले. आता अनेक नेत्यांच्या अशाच प्रकारची चर्चा असताना भोसले यांनी फडणवीस यांची भेट घेतली आहे. पक्षाचे माजी आमदार राहूनही ते संघटनात्मक जबाबदारीही नसल्याने अस्वस्थ आहेत, अशी राजकीय वर्तुळात चर्चा आहे. त्यातच ही घटना घडल्याने राजकीय पटलावर आता भोसले यांच्याही कमळाभोवती रुंजी सुरू झाल्या की काय, असा प्रश्न केला जात आहे.

अर्थात, भेासले यांनी मात्र आपण देवेंद्र फडणवीस आणि माजी मंत्री जयकुमार रावल यांची मैत्रिपूर्ण संबंधातून भेट घेतल्याचा दावा केला आहे. आमदारकी भूषवीत असताना विधिमंडळाचे कामकाज समजावे यासाठी एक युथ फेारम आमदारांनी तयार केला हेाता. त्यावेळी अर्थसंकल्प कसा वाचावा तसेच विधिमंडळाच्या अन्य कामकाजाबाबत देवेंद्र फडणवीस यांनी युवा आमदारांना मार्गदर्शन केले होते. ते तिडके कॉलनी भागात येणार असल्याने माजी मंत्री रावल यांनी कळविल्यानंतर भेटण्याचे ठरवले होते. त्यामुळे ही भेट झाल्याचे भेासले यांनी सांगितले.

---------

छायाचित्र आर फोटोवर ७६