मनसेचे माजी जिल्हाध्यक्ष अनंता सूर्यवंशी यांचे निधन

Ananta Suryavanshi: महाराष्ट्र नवनिर्माण सेनेचे माजी जिल्हाध्यक्ष, माजी नगरसेवक अनंता सूर्यवंशी यांचे हृदयविकाराच्या धक्क्याने आज सकाळी निधन झाले.

नाशिक - महाराष्ट्र नवनिर्माण सेनेचे माजी जिल्हाध्यक्ष, माजी नगरसेवक अनंता सूर्यवंशी यांचे हृदयविकाराच्या धक्क्याने आज सकाळी निधन झाले ते 48 वर्षांचे होते मनसेच्या स्थापनेपासूनच पक्षात सदैव कार्यरत असणाऱ्या सूर्यवंशी यांनी पंचवटी परिसरातून नगरसेवकपद देखील भूषवले होते. 2017 मध्ये मनसेतून गळती अवस्था होत असतानाही ते निष्ठावान म्हणून पक्षातच होते त्यांना जिल्हाध्यक्षपद देण्यात आले होते अलिकडेच मनसेत झालेल्या संघटनात्मक फेरबदलात त्यांच्याकडून ही जबाबदारी काढून अंकुश पवार यांना देण्यात आली होती सामान्य कार्यकर्ता म्हणून पक्षातच राहणार अशी भूमिका त्यांनी घेतली होती. कमी बोलणारे  परंतु सतत पक्ष काम करणारे निष्ठावान म्हणून त्यांची ओळख होती.

Read in English