माजी खासदार माधवराव पाटील यांचे निधन 

राजकीय सामाजिक आणि सहकार क्षेत्रात प्रचंड वावर असलेल्या माधवराव पाटील यांना काही दिवसांपासून प्रकृती बरी नसल्याने रुग्णालयात दाखल करण्यात आले होते.

नाशिक- नाशिकचे माजी खासदार आणि जनलक्ष्मी सहकारी बँकेचे संस्थापक अध्यक्ष माधवराव पाटील यांचे आज सकाळी  खासगी रुग्णालयात निधन झाले. ते 82 वर्षांचे होते.

राजकीय सामाजिक आणि सहकार क्षेत्रात प्रचंड वावर असलेल्या माधवराव पाटील यांना काही दिवसांपासून प्रकृती बरी नसल्याने रुग्णालयात दाखल करण्यात आले होते. आज सकाळी त्यांची प्राणज्योत मालवली. माधवराव पाटील हे गेल्या 40 वर्षांपासून जनलक्ष्मी नागरी सहकारी बँकेचे संचालक होते या बँकेचे ते संस्थापक होते. या शिवाय शिखर बँकेचे अध्यक्षपदही त्यांनी भूषवले होते.

काँग्रेसचे कार्यकर्ते असलेल्या माधवराव यांनी  खासदारकीही भूषवली होती कांदा बटाटा भवन आणि अन्य सहकारी संस्थांवर देखील त्यांनी कामकाज केले होते सर्वसामान्य नागरिकांना जनलक्ष्मी बँकेच्या माध्यमातून दिलासा देण्याचा मोठा काम त्यांनी केले होते.