सुसाट पिकअपच्या धडकेने चौघे जखमी

इगतपुरी: शहरातील पटेल चौकात एका अल्पवयीन वाहनचालकाचा वाहनावरील ताबा सुटल्याने सैरावैरा झालेल्या पिकअप वाहनाने चार जणांना जखमी केले आहे

इगतपुरी : वाहनचालकाचा ताबा सुटल्याने अपघात

इगतपुरी: शहरातील पटेल चौकात एका अल्पवयीन वाहनचालकाचा वाहनावरील ताबा सुटल्याने सैरावैरा झालेल्या पिकअप वाहनाने चार जणांना जखमी केले आहे. जखमींमध्ये दोन वयोवृद्ध नागरिक असून, याप्रकरणी अज्ञात तरु णावर इगतपुरी पोलिस ठाण्यात गुन्हा दाखल करण्यात आला आहे.पोलिसांनी वाहन जप्त केले असून, फरार तरु णाचा पोलीस शोध घेत आहेत.
रविवारी दुपारी दोन वाजेच्या सुमारास पीकअप ( क्र मांक एम एच ४८टी ४५०९) घेऊन हा नवखा वाहनचालक पटेल चौकातून अरब मस्जिदकडे निघाला असता, त्याचा वाहनावरील ताबा सुटल्याने त्याने रस्त्यावरील उभ्या असलेल्या रेल्वे लोको पायलट अरु ण कुमार गौतम वय ५२, रा. डोंबिवली नाजीम मोमीन वय २८, दशरथ भोंडवे वय ६७, रहीम शेख गफूर वय ६५ सर्व रा.इगतपुरी या सर्वांना धडक दिली. नशीब बलवत्तर म्हणून पीकअप गाडीच्या पुढील भागात एक दुचाकी अडकल्याने वाहन थांबले. दरम्यान, संशयित तरु ण फरार असल्याची माहिती पोलीस निरीक्षक अशोक रत्नपारखी यांनी दिली आहे. सर्व जखमींना इगतपुरी ग्रामीण रूग्णालयात उपचारासाठी दाखल करण्यात आले. तर रहीम गफूर शेख यांना गंभीर मार लागल्याने त्यांना नाशिक येथील खाजगी रु ग्णालयात दाखल करण्यात आले आहे. आठवडा बाजार असल्याने पटेल चौक परिसरात खूप गर्दी असताना हे थरार नाट्य घडले.