मालेगावजवळ भाविकांच्या टेम्पोला अपघात, चार ठार

मालेगाव तालुक्यातील चंदनपुरी येथे खंडेराव महाराजांच्या दर्शनासाठी आलेल्या चाळीसगाव तालुक्यातील मुंदखेडा येथील भाविकांच्या टेम्पोला परत जाताना गिगाव फाट्यावर भरधाव वेगात जाणाऱ्या पिकअपने पाठीमागून धडक दिल्याने झालेल्या भीषण अपघातात ४जण ठार झाले असून,८जण जखमी झाले आहेत. जखमींवर मालेगाव येथील खासगी रुग्णालयात उपचार सुरू आहेत. हा अपघात रविवारी (दि.६) सायंकाळी ६ वाजेच्या सुमारास घडला.

ठळक मुद्देटेम्पोला पिकअपची धडक अपघातग्रस्त चाळीसगाव तालुक्यातील मुंदखेडाचे रहिवासी

मालेगाव : तालुक्यातील चंदनपुरी येथे खंडेराव महाराजांच्या दर्शनासाठी आलेल्या चाळीसगाव तालुक्यातील मुंदखेडा येथील भाविकांच्या टेम्पोला परत जाताना गिगाव फाट्यावर भरधाव वेगात जाणाऱ्या पिकअपने पाठीमागून धडक दिल्याने झालेल्या भीषण अपघातात ४जण ठार झाले असून,८जण जखमी झाले आहेत. जखमींवर मालेगाव येथील खासगी रुग्णालयात उपचार सुरू आहेत. हा अपघात रविवारी (दि.६) सायंकाळी ६ वाजेच्या सुमारास घडला.

चाळीसगाव तालुक्यातील मुंदखेडा येथील भाविक मालेगाव तालुक्यातील चंदनपुरी येथे खंडेराव महाराजांच्या दर्शनासाठी आले होते. खंडेराव महाराजांचे दर्शन व गोंधळाचा कार्यक्रम आटोपून भाविक पुन्हा आपल्या गावाकडे निघाले होते. गिगाव फाट्यावर आल्यानंतर भरधाव वेगात आलेल्या पिकअप आणि टेम्पोत जोरदार धडक झाली. यात टेम्पो उलटला. घटनास्थळी स्थानिक ग्रामस्थांनी धाव घेऊन जखमींना टेम्पोतून बाहेर काढून तालुका पोलिसांना याची खबर दिली. तत्काळ घटनास्थळी पोलिसांसह रुग्णवाहिका दाखल होऊन जखमींना उपचारार्थ रुग्णालयात हलविण्यात आले. या अपघातात लीलाबाई पोपट पाटील (वय ७५), कांतीलाल पोपट पाटील (५०), बन्सीलाल राघो पाटील (५०) सर्व रा. मुंदखेडा, ता. चाळीसगाव, जि. जळगाव तसेच आबाजी जालम पाटील (७५) रा. मेठु, ता. पारोळा, जि. जळगाव हे ठार झाले, तर जखमींमध्ये सुनीता शिवलाल पाटील, रत्नाबाई कांतीलाल पाटील, बळीराम रामचंद्र पाटील, वैष्णा सुहालाल पाटील, पोपट महादू पाटील, गोविंदा रतन पाटील, अनुसया रतन पाटील, विजय रामराव पाटील यांचा समावेश आहे. घटनास्थळी तालुका पोलीस ठाण्याचे पोलीस नाईक शैलेश बच्छाव, जमादार राजपूत यांनी भेट दिली. जखमींना तातडीने उपचारार्थ खासगी रुग्णालयात हलविण्यात आले.