चारचाकीची दुचाकीला धडक, दोन जण गंभीर जखमी

नाशिक : गंगापूर रोडवरील सोमेश्वर मंदिराच्या मुख्य गेटसमोर एका चारचाकीने (एमएच २१ बीएफ३९०० ) एका दुचाकीला (एमएच१५ बी२५२८) धडक दिल्याने झालेल्या अपघातात दुचाकीवरील दोघेजण जखमी झाले आहेत.

पोलिसांनी दिलेल्या माहितीनुसार, आकाश चंद्रकांत वाघ याची काकू आजारी असल्याने (२८). सचिन संतोष पवार याच्यासोबत गुरुवारी (दि.१४) सायंकाळी साडेसात वाजेच्या सुमारास औषध घ्यायला गंगापूर रोडकडून आनंदवल्ली येथे मोपेड दुचाकीवरून (एमएच१५ बी २५२८) जात असताना, नाशिककडून बारदान फाट्याकडे जाणाऱ्या पांढऱ्या रंगाच्या फोर्ड ईडीव्हर (एमएच २१ बीएफ३९००)ने सोमेश्वर मंदिराच्या मुख्य प्रवेशद्वाराजवळ एका दुचाकीला जोरदार धडक दिली. या अपघातात आकाश व सचिन गंभीर जखमी झाले असून, त्यांच्या दुचाकीचेही नुकसान झाले आहे. या प्रकरणी आकाशचा भाऊ विकास चंद्रकांत वाघ (२१, शिंदे गल्ली, गोवर्धन) यांनी गंगापूर पोलीस ठाण्यात दिलेल्या फिर्यादीवरून चारचाकी चालकाविरोधात गुन्हा दाखल करण्यात आला आहे.