नागरिकांच्या परिस्थिवीवर पुढील निर्णय अवलंबून

नाशिक: करोनाची वाढती रुग्णसंख्या रोखण्यासाठी जिल्हा प्रशासनाने काढलेले निर्बंधाचे आदेश व्यवसाय व गर्दीवर नियंत्रण आणणारे आहेत. या आदेशाची काटेकोर अंमलबजावणी होणे अपेक्षित असून नागरिकांचा या सर्व निर्बंधांना मिळणारा प्रतिसाद पाहूनच पुढील निर्णय घेतला जावा अशा सूचना मुख्यमंत्री उद्धव ठाकरे यांनी अधिकाऱ्यांना दिल्या. गतवेळेपेक्षा काेरोचे व्यवस्थापन अधिक आव्हानात्मक असल्याचेही मुख्यमंत्री यावेळी म्हणाले.

नंदुरबार दौऱ्यावर असतांना मुख्यमंत्री ओझर विमानतळावर उतरले असता तेथे त्यांनी नाशिक जिल्ह्याचा काेरोना आढावा घेतला. या बैठकीस मुख्य सचिव सीताराम कुंटे, आरोग्य विभागाचे प्रधान सचिव डॉ. प्रदीप व्यास, जिल्हाधिकारी सूरज मांढरे, पोलीस आयुक्त दीपक पांडेय, महानगरपालिका आयुक्त कैलास जाधव, जिल्हा परिषदेच्या मुख्य कार्यकारी अधिकारी लीना बनसोड, अपर पोलीस अधीक्षक शर्मिष्ठा वालावलकर , जिल्हा शल्य चिकित्सक डॉ.रत्ना रावखंडे उपस्थित होते.

मुख्यमंत्री म्हणाले की, नागरिकांमध्ये लसीकरणाची जागृती वाढत आहे. त्यादृष्टीने नाशिक शहरातील लसीकरण केंद्रांची संख्या वाढविण्याचे निर्देश मुख्यमंत्र्यांनी मनपा आयुक्तांना दिले. गृहविलगीकरणात उपचार घेणाऱ्या रुग्णांवर लक्ष देण्याची गरज असून विनामास्क फिरणाऱ्यांवर कडक कारवाई करण्याची सूचना ठाकरे यांनी पोलीस विभागाला केली.

--इन्फो--

मी जबाबदार’ भित्तीपत्रकांचे अनावरण

शासनाच्यावतीने ‘मी जबाबदार’ मोहिम सुरु करण्यात आली आहे. जिल्हा प्रशासनाने भित्तीपत्रकाच्या माध्यमातून मेाहिम सुरू केली आहे. त्याअंतर्गत भित्तीपत्रकांचे अनावरण मुख्यमंत्र्यांच्या हस्ते करण्यात आले. राज्याचे मुख्य सचिव सिताराम कुंटे यांनी त्रिसूत्री सोबतच लसीकरणाचा बाधित क्षेत्रामध्ये सुयोग्य वापर करून रुग्ण वाढ थांबवण्याच्या दृष्टीने प्रयत्न करावेत अशा सूचना दिल्या. आरोग्य विभागाचे प्रधान सचिव डॉ प्रदीप व्यास यांनी सिव्हिल सर्जन यांचेकडून आरोग्य विषयक विविध बाबींची माहिती घेतली.

--कोट--

जिल्ह्यातील कोरोनाची वाढती रुग्णसंख्या लक्षात घेता या परिस्थितीचा सामना करण्यासाठी ऑक्सिजनचा पुरवठा, व्हेंटीलेशन बेड , रेमडिसिव्हर व अन्य औषधे यासह आवश्यक आरोग्य सुविधा पुरेशा प्रमाणात उपलब्ध असून शासनाने घालून दिलेल्या टेस्ट -ट्रॅक आणि ट्रीट या त्रिसूत्रीची प्रभावी अंमलबजावणी सर्व यंत्रणा करतील असे जिल्हाधिकारी सूरज मांढरे यांनी मुख्यमंत्र्यांना सांगितले. मागील वर्षीची लाट व यावर्षीची लाट यातील क्षेत्रीय स्तरावरील विविध बाबी मधील फरक आणि त्यादृष्टीने प्रशासन करीत असलेल्या विविध उपाययोजनांची माहिती जिल्हाधिकारी यांनी मांडली.

कोरोनाचा संसर्ग रोखण्यासाठी मनपा नाशिक प्रशासनामार्फत सुरू असलेल्या विविध उपाययोजना जसे वैद्यकीय यंत्रणेचे बळकटीकरण, बाधित रुग्णांच्या संपर्कातील व्यक्तींची शोधमोहिम, बाधित क्षेत्रातील मनपा पोलीस पथकांची कार्यवाही इत्यादी बाबत माहिती मनपा आयुक्त कैलास जाधव यांनी दिली.

===Photopath===

190321\19nsk_28_19032021_13.jpg

===Caption===

ओझर विमानतळ येथे केारोना आढाबा बठकीप्रसंगी मुख्यमंत्री उद्धव ठाकरे. समवेत मुख्य सचिव  सिताराम कुंटे, मुख्य कार्यकारी अधिकारी लीना बनसोड