चोरी करणारी आठ जणांची टोळी

चोरी करणारी आठ जणांची टोळी

इंदिरानगर : औद्योगिक वसाहतीतील बंद कंपन्यांना लक्ष्य करून चोरी करणारी आठ जणांची टोळी इंदिरानगर पोलिसांनी शनिवारी रात्री सिनेस्टाइल थरारक पाठलाग करून पकडली़ या टोळीतील सर्वजण इगतपुरी, घोटी येथील रहिवासी असून, त्यांच्याकडून दरोड्याच्या साहित्यासह बोलेरो वाहन जप्त करण्यात आले आहे़ न्यायालयाने त्यांना दोन दिवसांची पोलीस कोठडी सुनावली आहे़ इंदिरानगर पोलीस ठाण्यातील सहायक पोलीस निरीक्षक आऱ डी. गवळी हे कर्मचाऱ्यांसह शनिवारी रात्री १ वाजेच्या सुमारास वडाळागाव परिसरात गस्त घालीत होते़ त्याचवेळी उपनगरकडून येणारी राखाडी रंगाचे बोलेरो (एमएच १५, सीटी १४९७) पोलिसांना पाहून वडाळागाव, कलानगरमार्गे वडाळा, पाथर्डी रस्त्याने पाथर्डीगावाकडे निघून गेली़ पोलिसांनी तत्काळ ही माहिती पोलीस नियंत्रण कक्षाला दिली़ याचवेळी इंदिरानगर पोलीस ठाण्याचे गुन्हे शोध पथक व बीट मार्शल यांनी हे वाहन पाथर्डी फाटा चौफुलीवर आले असता त्यास चहूबाजूंनी घेरून पकडले़ या वाहनात संशयित शिवाजी पोपट घारे (वय २५, रा़ काकुस्ते, इगतपुरी), संजय देवराम घारे (वय २९, रा़ घोटी), फैजल रोशन शेख (वय १९, रा़ घोटी) स्वप्नील पोपट लहाने (वय २०, रा़ घोटी), अफसर रोशन शेख (वय २९, रा़ घोटी), इकबाल रोशन शेख (वय २८, रा़ घोटी), सतार रोशन शेख (वय ३८, रा़ घोटी), अफजल रोशन शेख (वय २६, रा़ घोटी) हे बसलेले होते़ या आठही संशयितांची तपासणी केली असता त्यांच्याकडे लोखंडी पाइप, लोखंडी पट्टा, लोखंडी पाते, धारदार गुप्ती, स्क्रू डायव्हर असे दरोड्याचे साहित्य मिळाले़ इंदिरानगर पोलिसांनी या संशयितांवर दरोड्याच्या तयारीत असल्याचा गुन्हा दाखल करून अटक केली असून, बोलेरो वाहनही जप्त केले आहे़ या सर्वांना न्यायालयात हजर केले असता दोन दिवसांची पोलीस कोठडी सुनावण्यात आली आहे़ (वार्ताहर)