‘दीपाली चव्हाण यांना न्याय द्या...’

वनखात्यातील धाडसी महिला वनक्षेत्रपाल दीपाली चव्हाण यांनी काही दिवसांपूर्वी शासकीय क्वाॅर्टरमध्ये वरिष्ठ अधिकाऱ्यांच्या जाचाला कंटाळून शासकीय पिस्तुलाने छातीवर गोळी झाडून घेत आत्महत्या केल्याची घटना घडली होती. या घटनेने राज्याचे वन खाते आणि सरकारही हादरले. याप्रकरणी नाशिक वनविभागात देखील संतापाची लाट पसरली असून वनखात्यातील वनधिकारी, सहायक वनसंरक्षक, वनक्षेत्रपाल, वनपाल दर्जाच्या अधिकाऱ्यांच्या संघटनांनी एकत्र येत मंगळवारी (दि.३०) या घटनेचा निषेध नोंदिवला. या संघटनांच्या पदाधिकाऱ्यांच्या एकत्रित शिष्टमंडळाने जिल्हाधिकारी सूरज मांढरे, विशेष पोलीस महानिरीक्षक डॉ. प्रतापराव दिघावकर, मुख्य वनसंरक्षक नितीन गुदगे यांची भेट घेत निवेदन दिले.

शिवकुमारसह रेड्डी यांनाही सहआरोपी करत अटक केली जावी, तसेच आयपीएस दर्जाच्या महिला अधिकाऱ्यांच्या अध्यक्षतेखाली उच्चस्तरीय चौकशी समिती गठित करावी, चव्हाण यांना मरणोत्तर तरी लवकर न्याय मिळावा, यासाठी हा खटला जलद न्यायालयात (फास्ट ट्रॅक) चालविला जावा, यासाठी उच्च दर्जाच्या सरकारी अभियोक्ताची नियुक्ती सरकारने करावी, तसेच शिवकुमार व रेड्डी यांची विभागीय चौकशी त्वरित सुरू करावी आणि याप्रकरणात दोषी आढळून येणाऱ्या सर्वांविरुद्ध कारवाई करण्यात यावी आदी मागण्या निवदेनातून करण्यात आल्या आहेत. निवेदनावर राजपत्रित वनाधिकारी संघटनेच्या कार्यकारी सदस्य विभागीय वनधिकारी कांचन पवार, स्वप्नील घुरे, उदय ढगे, सहायक वनसंरक्षक गणेश झोळे, गणेश रणदिवे तसेच वनक्षेत्रपाल संघटनेचे अमोल आडे, प्रशांत खैरनार, सीमा मुसळे, पुष्पा सातारकर, प्रवीण डमाळे आदींच्या स्वाक्षऱ्या आहेत.

---इन्फो

वनसंरक्षक कार्यालयात झळकविले फलक

गडकरी चौकातील मुख्य वनसंरक्षक कार्यालयाच्या परिसरात राजपत्रित वनधिकारी संघटना, वनक्षेत्रपाल, वनपाल संघटनांच्या पदाधिकाऱ्यांनी एकत्र येत आरएफओ दीपाली चव्हाण यांना न्याय द्या, जस्टीस फॉर दीपाली, शिवकुमार यास बडतर्फ करा, असे घोषवाक्य लिहिलेले फलक दीपाली चव्हाण यांच्या छायाचित्रांसह झळकावून निदर्शने केली.

--इन्फो--

...तर काम बंद आंदोलनाचा इशारा

दीपाली चव्हाण यांना जलद न्याय न मिळाल्यास आणि रेड्डी व शिवकुमार यांना सेवेतून बडतर्फ न केल्यास नाशिक वनखात्यातील वनधिकारी, वनक्षेत्रपाल यांनी काम बंद आंदोलनाचा इशाराही निवेदनात दिला आहे.

--

फोटो आर वर ३०फॉरेस्ट-१ /२

===Photopath===

300321\30nsk_13_30032021_13.jpg~300321\30nsk_14_30032021_13.jpg~300321\30nsk_15_30032021_13.jpg

===Caption===

वनअधिकारी यांचे निवेदन~वनअधिकारी यांचे निवेदन~वनअधिकारी यांचे निवेदन