गुरुदत्त पॅनल विजयी

वडाळीभोई सोसायटी निवडणूक : १२ जागांवर सत्ता

सोग्रस : चांदवड तालुक्यातील वडाळीभोई विविध कार्यकारी सेवा सोसायटीच्या निवडणुकीत कादवा कारखान्याचे संचालक सुखदेव जाधव यांच्या नेतृत्वाखाली श्री गुरुदत्त पॅनलने १२ जागांवर विजय मिळाला तर शेतकरी विकास पॅनलला एकेच जागेवर समाधान मानावे लागले.
श्री गुरुदत्त पॅनलचे विजयी उमेदवार सुशीला दिलीप अहेर, सिंधूबाई संतोष जाधव, सुखदेव दशरथ जाधव, राजाराम जमन गांगुर्डे, सुनील भास्कर जाधव, लक्ष्मण भागुजी जाधव, शिवाजी दौलत जाधव, रघुनाथ पोपट जाधव, दिलीप रायाजी अहेर, निवृत्ती सीताराम जाधव, भाऊसाहेब भास्कर अहेर, शिवाजी रघुनाथ अहेर, तर शेतकरी विकास पॅनलचे विश्वनाथ ठकाजी झाडे हे एकमेव उमेदवार बिनविरोध निवडून आले.
श्री गुरुदत्त पॅनलचे नेतृत्व कादवाचे संचालक सुखदेव जाधव, सरपंच नवनाथ जाधव, माजी सरपंच निवृत्ती घाटे व त्यांच्या सहकाऱ्यांनी केले, तर शेतकरी विकास पॅनलचे नेतृत्व कृउबाचे उपसभापती नितीन अहेर, कारभारी अहेर, जिल्हा परिषद सदस्य बंडू गांगुर्डे, मधुकर जाधव, अशोक जाधव यांनी केले.
यावेळी चांदवड पंचायत समितीच्या सभापती अनिता जाधव, संदीप जाधव, शंकर जाधव, सर्व ग्रामपंचायत सदस्य, सोसायटीचे सदस्य आदिंसह ग्रामस्थांनी गुलालाची उधळण करीत मिरवणूक काढून आनंदोत्सव साजरा केला, तर निवडणूक अधिकारी म्हणून आर.एन. दवते यांनी काम बघितले. त्यांना सहकार्य सचिव बी.पी. झारोळे, अरुण जाधव यांनी केले. (वार्ताहर)