आईला भेटण्यापूर्वीच त्याला मृत्यूने गाठले

संगमेश्वर : शस्त्रक्रिया झालेल्या आपल्या मातोश्रीला भेटण्यासाठी मालेगावहून अंमळनेरकडे जाणाऱ्या मालेगावच्या संगमेश्वरातील कार्तिक प्रवीण महाजन (२२) हा अंमळनेर (जळगाव) नजीक अपघातात जागीच ठार झाला. आपल्या आईला भेटण्यापूर्वीच त्याला मृत्यूने गाठल्याने संगमेश्वर परिसरात हळहळ व्यक्त केली जात आहे.

ठळक मुद्देमालेगावचा तरुण अंमळनेरनजीक अपघातात ठार

संगमेश्वर : शस्त्रक्रिया झालेल्या आपल्या मातोश्रीला भेटण्यासाठी मालेगावहून अंमळनेरकडे जाणाऱ्या मालेगावच्या संगमेश्वरातील कार्तिक प्रवीण महाजन (२२) हा अंमळनेर (जळगाव) नजीक अपघातात जागीच ठार झाला. आपल्या आईला भेटण्यापूर्वीच त्याला मृत्यूने गाठल्याने संगमेश्वर परिसरात हळहळ व्यक्त केली जात आहे.

माळीनगर, संगमेश्वर येथील रहिवासी कार्तिक प्रवीण महाजन (२२) हा त्याचा मित्र गौरव रवींद्र वाघ (२२, रा. ज्योतीनगर, संगमेश्वर, मालेगाव) हे दोघे कार्तिकच्या आईला भेटण्यासाठी दुचाकीने मालेगावहून निघाले. आज दुपारी ३.४० मिनिटांनी अंमळनेरच्या अलीकडे एक किमी अंतरावर एका ट्रॅक्टरला कट लागल्याने दोघे मोटरसायकलसह खाली पडले. त्याचवेळी मागील बाजूने येणारे मालवाहू वाहन त्यांच्या अंगावरून गेल्याने कार्तिकचा जागीच मृत्यू झाला.

अपघातानंतर महिंद्रा पिकअपचा चालक पळून जाण्यात यशस्वी झाला. शस्त्रक्रिया झालेल्या आपल्या मातेला भेटण्यासाठी जाणाऱ्या मुलाला आईला भेटण्यापूर्वीच मृत्यूने गाठल्याने परिसरावर शोककळा पसरली.