रेव्ह पार्टीत यांची नावे आली समोर

रेव्ह पार्टीत यांची नावे आली समोर

रेव्ह पार्टीत बिग बॉसच्या सीझन-२ मधील एक नामवंत अभिनेत्री हिना पांचाल हिचाही सहभाग असल्याचे सोशल मिडीयावर व्हायरल झालेल्या व्हीडीओतून दिसून आले आहे. याशिवाय दोन कोरिओग्राफर, एक विदेशी महिला, तसेच पीयूष सेठिया, अमित लाट, आशिष लाट, रा. त्रिवेदी, विशाल मेहता, नीरज सुराणा, रोहित अराेरा, हर्ष शहा, दानिश खान, अबू बकर हनिफ शेख (सर्व रा. मुंबई व पुणे) यांच्यासह १२ महिला, अशा एकूण २२ व्यक्ती पोलिसांच्या छापेमारीत सापडल्या असल्याची माहिती समोर आली आहे. पोलिसांनी याप्रकरणी काहींचा जबाबही लिहून घेतला आहे.

इन्फो

कारवाईनंतरही रेव्ह पार्ट्यांचे पेव

इगतपुरी परिसरात आतापर्यंत तीन ते चार वेळा रेव्ह पार्ट्यांवर पाेलिसांनी छापे टाकत कारवाईचा बडगा उगारला आहे. पोलिसांकडून कारवाई केली जात असतानाही या भागात रेव्ह पार्ट्या सर्रासपणे सुरू असतात. परिसरातील हॉटेल्स व खासगी बंगल्यांमध्ये या पार्ट्या कुणाच्या आशीर्वादाने खुलेआमपणे चालतात, हे गुलदस्त्यात आहे. इगतपुरीतील हॉटेलसाठी ऑनलाइन बुकिंग होत असते आणि परिसरातील हॉटेल्स पार्ट्यांसाठी प्रसिद्ध आहे. यापूर्वीही इगतपुरी तालुक्यात पाकिस्तानी अभिनेत्री लैला खान हिचे प्रकरण गाजले होते. आता पुन्हा एकदा बॉलीवूडमधील कलाकार याठिकाणी आढळून आल्याने पुन्हा एकदा ड्रग्ज आणि बॉलीवूड हे कनेक्शन चर्चेत आले आहे.