कोरोनात सेवा करणाऱ्या रूग्णवाहिका चालकांचा सत्कार

कोरोना महामारीच्या काळात आपल्या जीवाची पर्वा न करता, रुग्णांना अहोरात्र रूग्णवाहिका सेवा देऊन कोरोना रुग्णांचे प्राण वाचविणाऱ्या २६ रूग्णवाहिका चालकांचा नाशिकरोड येथील धोंगडे नगर मित्रमंडळाच्यावतीने बिटको कोविड रुग्णालय आवारात टॉवेल-टोपी देऊन सत्कार करण्यात आला. धोंगडे नगर मित्रमंडळाच्यावतीने शीतल धोंगडे व पूजा आडके यांनी रुग्णवाहिका चालकांचे औक्षण केले. यावेळी माजी आमदार योगेश घोलप, मंडळाचे अध्यक्ष अतुल धोंगडे, राजेश फोकणे, योगेश भोर, नितीन चिडे, प्रशांत भालेराव यांच्या हस्ते रुग्णवाहिका चालकांचा सत्कार करण्यात आला. यावेळी नयन धोंगडे, सुनील सोनवणे, गणेश बनकर, कैलास मालुंजकर, पप्पू जगताप, सचिन कोठुळे, वैभव पाळदे, शेखर बनकर, समाधान सहाणे, लकी ढोकणे, अतुल चव्हाण, विशाल पाटील, आदित्य धोंगडे, मयुरेश भालेराव, प्रणय खुडे, हर्षद जोशी, अमन रोकडे, दिलीप जमधडे, शशी भगत व शिवा धोंगडे, आदी उपस्थित होते.

सत्कारार्थी रुग्णवाहिका चालक - शिवा गायधनी, पाशाभाई शेख, रवी काळे, शिवाजी वाघमारे, बंटी जामदार, शांताराम सेवाळे, किरण पवार, राकेश आहिरे, सचिन सातपुते, सनिर पानसरे, रमण घोरपडे, नारायण चव्हाण, गणेश चिंतामणी, जनक खैरनार, दिलीप पवार, रामभाऊ शिंदे, मयूर इघे, संजय लहामगे, भूषण भामरे, राजेंद्र आहिरे, अमन रोकडे, दिलीप जदडे, कैलास मराठे, सय्यद फैय्याज. (फोटो : आर:२३ॲम्बूलन्स)