दुर्गामाता मंदिरात मूर्ती प्राणप्रतिष्ठा

दुर्गामाता मंदिरात मूर्ती प्राणप्रतिष्ठा

लासलगाव : येथील दुर्गामाता मंदिरातील मूर्ती प्राणप्रतिष्ठा तसेच कलश व ध्वजारोहण सोहळा कार्यक्र म दि. ६ ते ९ सप्टेंबरदरम्यान लासलगाव येथील गणेशनगरमधील देवी चौक येथे होणार असल्याची माहिती दुर्गामाता मंदिर ट्रस्टचे अध्यक्ष हेमंत पवार यांनी दिली.
दि. ६ सप्टेंबर रोजी दुर्गामाता मूर्तीची मिरवणूक काढण्यात येणार आहे तसेच दि. ६ व ७ रोजी विविध धार्मिक कार्यक्रम होणार आहेत, तर दि. ८ सप्टेंबर रोजी सकाळी ११ वाजता श्री श्री १००८ महामंडलेश्वर शिवगिरीजी महाराज यांच्या हस्ते व लासलगाव कृषी उत्पन्न बाजार समितीचे सभापती जयदत्त होळकर यांच्या विशेष उपस्थितीत प्राणप्रतिष्ठा सोहळा होणार आहे.
दुर्गामाता मंदिर ट्रस्टचे अध्यक्ष हेमंत पवार, उपाध्यक्ष लक्ष्मण सांगळे, सचिव नामदेव उगले, खजिनदार विनोद सूर्यवंशी, सहखजिनदार अरुण राऊत, विश्वस्त वृषाली अहेर, रत्नमाला पवार, दिनकर निकम, शिवाजी घुमरे, विनोद चोरडिया, सुनील काळे, वसंतराव भावसार, डॉ. सुभाष वाघमोडे आदि ट्रस्टचे काम पाहत आहेत. (वार्ताहर)