जैन सोशल ग्रुपतर्फेगुणगौरव

सातपूर : शैक्षणिक क्षेत्रात विशेष प्रावीण्य मिळविणाऱ्या गुणवंत विद्यार्थ्यांना जैन सोशल प्लॅटिनम ग्रुपच्या वतीने एक्सलन्स अवॉर्ड देऊन गौरविण्यात आले.

लोकमत न्यूज नेटवर्क
सातपूर : शैक्षणिक क्षेत्रात विशेष प्रावीण्य मिळविणाऱ्या गुणवंत विद्यार्थ्यांना जैन सोशल प्लॅटिनम ग्रुपच्या वतीने एक्सलन्स अवॉर्ड देऊन गौरविण्यात आले. जैन सोशल प्लॅटिनम ग्रुपच्या वतीने आयोजित गुणगौरव सोहळ्यास प्रमुख पाहुणे म्हणून प्रज्ञा पाटील उपस्थित होत्या. शैक्षणिक क्षेत्रात विशेष प्रावीण्य मिळविणाऱ्या सभासदांच्या गुणवंत पाल्यांना संस्थेच्या वतीने एक्सलन्स अवॉर्ड देऊन गौरविण्यात आले. या निमित्ताने सभासद आणि त्यांच्या पाल्यांसाठी विविध गटात फॅन्सी ड्रेस स्पर्धा घेण्यात आली. परीक्षक म्हणून कोमल लुथरा यांनी काम पाहिले. प्रथम गटातील कुलवीर लुनावत, पलक लुनावत, जैनम छोरिया, द्वितीय गटात पार्श्व साखला, जिया लुनावत, ओजल खटोड, तृतीय गटात मनीष कुमठ, मिताली सुराणा, प्रिशा चोपडा, उत्तेजनार्थ नायरा कोठारी, जिणेशा पगारिया, संजय चोरडिया आदी विजेत्या स्पर्धकांना पारितोषिक देऊन गौरविण्यात आले. प्रास्ताविक किरण खाबिया यांनी केले. सूत्रसंचालन सुवर्णा काला यांनी केले. याप्रसंगी पवन भंडारी, शीतल शहा, सचिन बेदमुथा, ललित मोदी, सतीश हिरण, कमलेश कोठारी, पंकज पटनी, कल्पना पांडे, राखी खटोड, विजय बेदमुथा, मधुरा साबद्रा, सुनील बाफना, यश टाटीया आदींसह संस्थेचे सभासद उपस्थित होते.