लासलगावी व्यापाऱ्याचे  नऊ लाख लंपास

लासलगाव : विंचूर येथील व्यापाºयाच्या डोळ्यात मिरची पूड फेकून त्याच्याजवळील नऊ लाख रुपयांची रोकड लंपास केल्याचा प्रकार समोर आला. लासलगाव-विंचूर रोडवरील अ‍ॅक्सिस बँकेसमोर ही घटना घडली. राहुल सानप असे लूट झालेल्या व्यापाºयाचे नाव आहे.  राहुल सानप हे कांद्याचे व्यापारी असून, त्यांनी शेतकरी यांच्या चुकवतीसाठी सोमवारी (दि. २३) आपल्या अ‍ॅक्सिस बँक शाखा येथून नऊ लाख रुपये काढले आणि आपल्या मारुती स्विफ्ट कारमध्ये बसले असता तिथेच उभे असलेल्या दुचाकीवरून आलेल्या दोन युवकांपैकी एकाने गाडीचा दरवाजा उघडण्याचा प्रयत्न केला; मात्र व्यापारी राहुल यांनी  त्याला विरोध केला असता दुसरा युवकाने राहुलच्या डोळ्यात मिरचीची पूड फेकून नऊ लाख रु पये असलेली बॅग लंपास केल्याची घटना आज घडली. राहुल यांनी आरडाओरडा केलेला भाग वर्दळीचा असल्याने लगेच आजूबाजूच्या लोकांनी गर्दी केली. अ‍ॅक्सिस बँकेतील व्यवहारावर लक्ष ठेवून रोख रक्कम काढणाºया ग्राहकांवर पाळत ठेवून ही टोळी रोकड लंपास करत आहे. गेल्या दोन महिन्यातली ही तिसरी घटना असून, आतापर्यंत पोलीस यंत्रणेला एकाही घटनेचा तपास करण्यात यश आलेले नाही.  गेल्या काही महिन्यांमध्ये अशा अनेक घटना घडल्या असून, एकाही घटनेतील लटून गेलेली रक्कम हस्तगत करण्यात पोलिसांना यश आलेले नाही. त्यामुळे लासलगाव परिसरातील व्यापाºयांमध्ये भीतीचे वातावरण पसरले आहे.