बागलाणमध्ये कुष्ठरोग, क्षयरोग शोध मोहिमेस प्रारंभ

कार्यक्रमास तालुका वैद्यकीय अधिकारी डॉ. हेमंत आहेरराव, डॉ. संजीवनी क्षीरसागर, प्रदीप बच्छाव, आरोग्य सहायक किरण शेवाळे, पंकज गायकवाड, पंकज जाधव, युवराज खरे, विजय गोळे, रौंदळ, भामरे उपस्थित होते. मोहिमेत ३ लाख ६४ हजार ७८९ नागरिकांची तपासणी केली जाणार आहे, तर ८० हजार घरांना भेट दिली जाणार आहे. त्यासाठी ३५९ वैद्यकीय पथके तैनात करण्यात आली आहेत. कुष्ठरुग्ण आणि क्षयरुग्ण शोधमोहिमेसाठी येणाऱ्या आरोग्य सेवक, सेविका यांना सहकार्य करावे. संशयित रुग्णांची माहिती आरोग्य कर्मचाऱ्याला देऊन लपलेल्या कुष्ठ आणि क्षयरुग्णांना लवकरात लवकर ओळखून उपचाराखालीआणणे गरजेचे आहे . आरोग्य कर्मचाऱ्यांना योग्य प्रकारे आणि खरी माहिती द्यावी तसेच तपासणी करून घ्यावी, असे आवाहन डॉ. अहिरराव यांनी केले.

कुष्ठरुग्ण आणि क्षयरुग्ण सर्वेक्षणाची संयुक्त मोहीम राबविण्यात येत आहे. क्षयरोग व कुष्ठरोगाची बाधा झाल्याचे आढळून आलेल्या रुग्णांवर तात्काळ उपचारसुरू करण्याची तजवीज केली जाणार आहे . खासगी वैद्यकीय व्यावसायिक, एक्सरेकेंदे , प्रयोगशाळा यांनी निदान झालेल्या प्रत्येक क्षय रुग्णाची माहिती क्षयरोग विमागास कळविणे बंधनकारक आहे. अशी माहिती देण्यास कसूर करणाऱ्यांविरुद्ध कायदेशीर कारवाई करण्याचा इशारा यावेळी देण्यात आला.

ही आहेत लक्षणे...

जास्त खोकला येणे, शरीराचे वजन झपाट्याने कमी होणे ही क्षय रोगाची लक्षणे आहेत. तर त्वचेवर फिकट लालसर चट्टे, जाड बधिर तेलकट चकाकणारी त्वचा, त्वचेवर गाठी, कानाच्या पाळ्या जाड होणे ही कुष्ठ रोगाची लक्षणें आहेत.

फोटो : ०५ सटाणा : कॅप्शन :ताहाराबाद प्राथमिक आरोग्य केंद्रात कुष्ठ व क्षय रोग सर्व्हेक्षण मोहिमेचा शुभारंभ करतांना आमदार दिलीप बोरसे समवेत तालूका वैद्यकीय अधिकारी डॉ. हेमंत अहिरराव, डॉ. संजीवनी क्षीरसागर आदी.

===Photopath===

051220\05nsk_30_05122020_13.jpg

===Caption===

 फोटो कॅप्शन :ताहाराबाद प्राथमिक आरोग्य केंद्रात कुष्ठ व क्षय रोग सर्व्हेक्षण मोहिमेचा शुभारंभ करतांना आमदार दिलीप बोरसे समवेत तालूका वैद्यकीय अधिकारी डॉ. हेमंत अहिरराव, डॉ. संजीवनी क्षीरसागर आदी.