भरधाव कंटेनर कारवर आदळला; तीन शिक्षकांवर काळाचा घाला

घोटी : मुंबई - आग्रा महामार्गावर इगतपुरी तालुक्यातील मुंढेगावजवळ जिंदाल कंपनीसमोर नाशिककडून मुंबईच्या दिशेने जाणारा भरधाव कंटेनर पलटी झाल्याने मोठा अपघात झाला. पलटी घेताना कंटेनर मुंबईहून नाशिककडे जाणाऱ्या कारवर जाऊन धडकला. या अपघातातील कारमध्ये जिल्हा परिषद शाळांचे ५ शिक्षक आणि शिक्षिका होत्या. दुपारी साडेचार वाजता झालेल्या या अपघातात ३ शिक्षक जागीच ठार झाले, तर २ शिक्षिका गंभीर जखमी झाल्याची माहिती पोलीस सुत्रांनी दिली. गंभीर जखमींची प्रकृती चिंताजनक असल्याचे समजते.

ठळक मुद्देमुंढेगावजवळ अपघात : दोन महिला शिक्षकांची प्रकृती गंभीर

घोटी : मुंबई - आग्रा महामार्गावर इगतपुरी तालुक्यातील मुंढेगावजवळ जिंदाल कंपनीसमोर नाशिककडून मुंबईच्या दिशेने जाणारा भरधाव कंटेनर पलटी झाल्याने मोठा अपघात झाला. पलटी घेताना कंटेनर मुंबईहून नाशिककडे जाणाऱ्या कारवर जाऊन धडकला. या अपघातातील कारमध्ये जिल्हा परिषद शाळांचे ५ शिक्षक आणि शिक्षिका होत्या. दुपारी साडेचार वाजता झालेल्या या अपघातात ३ शिक्षक जागीच ठार झाले, तर २ शिक्षिका गंभीर जखमी झाल्याची माहिती पोलीस सुत्रांनी दिली. गंभीर जखमींची प्रकृती चिंताजनक असल्याचे समजते.

अपघाताची माहिती समजताच जगद्गुरू नरेंद्राचार्य महाराज संस्थान, नाणीज धाम मोफत रुग्णवाहिकेचे रुग्णमित्र निवृत्ती पाटील गुंड यांनी अपघातस्थळी दाखल होऊन २ गंभीर जखमी शिक्षिकांना नाशिकच्या शासकीय रुग्णालयात दाखल केले. घोटी टोलनाका रुग्णवाहिकेने एका गंभीर जखमीला रुग्णालयात दाखल केले. दरम्यान, या अपघातामुळे मुंढेगावजवळ मुंबईहून येणारी वाहतूक विस्कळीत झाली होती. अनेक वाहनांच्या रांगा लागल्या होत्या. इगतपुरी तालुक्यातील मुंढेगाव येथे महामार्गावर नाशिककडून येणारा भरधाव कंटेनर पलटी झाल्याने अपघात झाला. पलटी घेत घेत हा कंटेनर (क्रमांक एमपी ०९ एचएच ५९२०) कार (क्रमांक एमएच १५ सीएम ७५३२) या वाहनावर आदळला. त्यात कारमधील धनंजय कापडणीस (समनेरे), किशोर राजाराम पवार (धोंगडवाडी), ज्योत्स्ना टिल्लू (मालुंजे) हे शिक्षक जागीच ठार झाले. गीतांजली सोनवणे - कापडणीस (मालुंजे), शेवंता जगताप रकिबे (मालुंजेवाडी) या शिक्षिका गंभीर जखमी झाल्या. याचवेळी पाठीमागून येणाऱ्या एका कारला कंटेनरचा धक्का लागल्याने त्यातील कारचालक किरकोळ जखमी झाला. अपघातातील सर्वजण इगतपुरी तालुक्यातील मुंढेगाव परिसरातील समनेरे भागातील शिक्षक असल्याचे सांगितले जाते. मात्र, ते नाशिक येथे वास्तव्यास आहेत. पोलिसांनी अपघाताचा गुन्हा दाखल केला आहे.

वाहतूक काही काळ विस्कळीत
अपघात ठिकाणी वाहतूक मोठ्या प्रमाणात विस्कळीत झाली होती. नाशिककडे जाणारी वाहतूक ठप्प झाली होती. घोटीचे सहायक निरीक्षक दिलीप खेडकर, वाहतूक शाखेचे घोटी टॅबचे सहायक निरीक्षक अमोल वालझाडे यांच्यासह उपनिरीक्षक संजय कवडे यांच्या पोलीस पथकाने तत्काळ धाव घेऊन जखमींना घोटी ग्रामीण व नाशिक येथे रवाना करून वाहतूक सुरळीत करण्याचा प्रयत्न केला. कंटेनर महामार्गावरच आडवा पडल्याने तो उचलण्यासाठी पोलीस यंत्रणा व्यस्त होती.

साडे पाच महिन्यांपूर्वीच्या घटनेचे स्मरण
जिल्ह्यातील शिक्षकांवर काळाने घाला घालण्याची सहा महिन्यांतील ही दुसरी दुर्घटना आहे. २१ जुलै २०२१ रोजी नाशिक - कळवण रस्त्यावर वरखेडा फाट्याजवळ मोटारीवर वाळलेले झाड कोसळून दत्तात्रेय बच्छाव, रामजी भोये व नितीन तायडे या तीन शिक्षकांचा मृत्यू झाला होता. हे तीनही शिक्षक सुरगाणा तालुक्यातील अलंगुण येथील शहीद भगतसिंह माध्यमिक विद्यालयात कार्यरत होते. बुधवारी मुंढेगावजवळ झालेल्या या दुर्घटनेत तीन शिक्षकांचा मृत्यू झाल्याने साडे पाच महिन्यांपूर्वीच्या या घटनेचे स्मरण झाले.