विकासकामांच्या जोरावर सीमा हिरे विजयी होतील: विनोद तावडे

सीमा हिरे यांच्या प्रचार कार्यालयाचे उद्घाटन

नाशिक: भाजप-शिंदेसेना-राष्ट्रवादी काँग्रेस अजित पवार गट, आरपीआय मित्र पक्ष महायुतीच्या उमेदवार सीमा महेश हिरे यांच्या नवीन नाशिक सिडको येथील भोळे मंगल कार्यालय येथील प्रचार कार्यालयाचे उद्घाटन 'भाजप'चे राष्ट्रीय सरचिटणीस विनोद तावडे यांच्या हस्ते करण्यात आले.

तावडे यांनी आमदार सीमा हिरे यांनी मतदारसंघात विविध विकासकामे, केंद्रासह राज्य सरकारच्या योजना वंचित घटकांपर्यंत पोहोचविल्या असल्याचे सांगितले. विधानसभेत सीमा हिरे या उत्कृष्ट काम करत आहेत. त्यांच्या कामाची दखल घेऊन उमेदवारी देण्यात आलेली आहे. विकासकामांच्या जोरावरच त्या निवडून येतील, असा विश्वास तावडे यांनी व्यक्त केला. याप्रसंगी प्रशांत जाधव, अजय बोरस्ते, मामा ठाकरे, नाना शिलेदार, अविनाश पाटील, रवी पाटील, भगवान काकड, सुवर्णा मटाले, प्रतिभा पवार, अलका अहिरे, भाग्यश्री ढोमसे, भगवान दोंदे, अॅड. श्याम बडोदे, राकेश दोंदे, पुष्पा आव्हाड, कावेरी घुगे, माधुरी बोलकर, नीलेश ठाकरे, श्यामकुमार साबळे, योगेश हिरे, सुधाकर जाधव, बाळासाहेब पाटील, महेश हिरे, प्रदीप पेशकर, सोनाली ठाकरे आदी उपस्थित होते.