सातपूर येथे महेशनवमी उत्साहात

प्रतिमापूजन : माहेश्वरी सभा, राजस्थान मंडळातर्फे विविध कार्यक्रम

 सातपूर : येथील सातपूर माहेश्वरी सभा आणि राजस्थान मंडळाच्या वतीने महेशनवमी मोठ्या उत्साहात साजरी करण्यात आली. सौभाग्य लॉन्स येथे यानिमित्त विविध कार्यक्रमांचे आयोजन करण्यात आले होते.
या कार्यक्रमास प्रमुख पाहुणे म्हणून प्रदीप बूब, अशोक तपाडिया, महेश भुवन सिडको, सातपूरचे अध्यक्ष नंदलाल राठी, रमेश मालू, रामेश्वर जाजू, सुधीर भट्टड, सुनील बूब आदि उपस्थित होते. प्रमुख पाहुण्यांच्या हस्ते भगवान महेश यांच्या प्रतिमेचे पूजन करण्यात आले. सरला चांडक यांनी गणेशवंदना आणि महेशवंदना सादर केली.
सातपूरला लवकरच समाजाचे भवन उभारण्यासाठी प्रयत्न केले जातील, अशी माहिती रामनाथ मुंदडा यांनी प्रास्ताविकात दिली. सूत्रसंचालन रवींद्र केडिया यांनी केले. अनिरु द्ध जाजू यांनी आभार मानले. याप्रसंगी बालकिसन सारडा, किशोर मुंदडा, अशोक जाजू, राजेश धूत, कपिल लाहोटी, श्यामसुंदर लाहोटी, जगदीश भट्टड, रामकिसन धूत, दिलीप दुगड, किरण बद्दर, रमेश ठोळे, अमोलकचंद भंडारी, प्रकाश मुंदडा, दिलीप जैन, विलास निर्वाण, चंद्रकांत निर्वाण, रामदयाल धूत, प्रमोद लोहाडे, संजय मणियार, किशोर भट्टड, दीपक निर्वाण, नीलेश निर्वाण, अनिल राठी, प्रवीण निर्वाण आदिंसह समाजबांधव आणि महिला उपस्थित होते. (वार्ताहर)