नाशकात घरात घुसून महिलेसह मुलाला मारहाण 

नाशिक शहरात दिवसेंदिवस गुन्हेगारी कृत्यांमध्ये वाढ होत असून महिलांच्या रस्त्यावर हाणामारी व गुंडगीरी करणारे गुंड थेट आता नागरिकांच्या घरात घुसून मारहाण करण्याच्या घटना घडत आहे. शहरात  वाहनांची तोडफोड नित्याची झालेली असतानाही विविध कारणाने होणाऱ्या हाणामारीच्या घटनांमध्येही मोठ्या प्रमाणात वाढ झाली आहे. 

ठळक मुद्देनाशिक शहरातील गुन्हेगारीत वाढ मारहाणीच्या घटनांमध्ये वाढ नागसेननगरमध्ये महिलेला घरात घुसून मारहाण

नाशिक : शहरातील वडाळा नाका परिसरातील नागसेननगर येथील एका घरात घुसून मुलासह त्याचा आईला काठीने व हाताच्या चापटीने मारहाण केल्याचा प्रकार समोर आला आहे.
पोलिसांनी दिलेल्या माहितीनुसार, या प्रकरणी पीडित महिलेने मुंबई नाका पोलीस ठाण्यात फिर्याद दिली आहे. त्यानुसार, संशयित अमन कुरेशी (२०, कुरेशीनगर वडाळा नाका) व अफजल कुरेशी (४०) यांच्या विरोधात गुन्हा दाखल करण्यात आला असून, पोलिसांनी दोघांनाही अटक केली आहे. या दोघांनीही फिर्यादी महिला व त्यांची मुले घरी असताना, त्यांच्या घरात घुसून पीडितेचा मुलगा अक्षय यास वखारीत काम करणाऱ्या मजुरास शिवीगाळ का केली, असा जाब विचारत मारहाण केली, तसेच त्याच्या आईलाही काठीने व चापटीने मारहाण केली. पीडित महिलेने या घटनेनंतर मुंबई नाका पोलीस ठाण्यात फिर्याद दिल्यानंतर, पोलिसांनी अमन कुरेशी व अफजल कुरेशी या दोन्ही पिता-पुत्रांना अटक करीत दोघांविरोधात गुन्हा दाखल केला आहे.