पुतळेवाडी येथे विवाहितेचा विनयभंग

---------------------

वडगाव-सिन्नर येथे वृद्ध बेपत्ता

सिन्नर : तालुक्यातील वडगाव-सिन्नर येथून ६० वर्षीय वृद्ध बेपत्ता झाल्याची तक्रार सिन्नर पोलीस ठाण्यात करण्यात आली आहे. अर्जुन नामदेव सांगळे (६०) हे २७ जुलै रोजी गावात जाऊन येताे, असे सांगून गेले असून अद्यापपर्यंत घरी परतले नाही. नातेवाइकांनी सर्वत्र शोध घेऊनही मिळून न आल्याने सिन्नर पोलीस ठाण्यात बेपत्ता झाल्याची खबर देण्यात आली आहे. हवालदार सारुख्ते अधिक तपास करीत आहेत.

-----------------------

खुनाचा प्रयत्न करणाऱ्या दोघांविरोधात गुन्हा

सिन्नर : तालुक्यातील हिवरगाव येथे डोक्यात लोखंडी गजाने मारहाण करून खुनाचा प्रयत्न केल्याप्रकरणी दोघा संशयितांविरोधात एमआयडीसी पोलीस ठाण्यात गुन्हा दाखल करण्यात आला आहे. भागचंद दौलत पोमनर हे सध्या नाशिक रोड येथे राहतात. त्यांची शेती हिवरगाव शिवारात आहे. शेतातील विहिरीतील पाणी वापरण्यासाठी दिले नाही म्हणून देवचंद दौलत पोमनर यांनी भागचंद यांच्या डोक्यात लोखंडी गजाने मारहाण केली. त्याचबरोबर सुनीता देवचंद पोमनर यांनीही हातपायावर व पाठीवर मारहाण केल्याची फिर्याद ताईबाई पोमनर यांनी एमआयडीसी पोलीस ठाण्यात दाखल केली आहे. भागचंद पोमनर यांना गंभीर मार लागल्याने सिन्नरच्या खासगी रुग्णालयात उपचारासाठी दाखल करण्यात आले. संशयित देवचंद व सुनीता पोमनर यांच्याविरोधात खुनाचा प्रयत्न केल्याप्रकरणी एमआयडीसी पोलीस ठाण्यात गुन्हा दाखल करण्यात आला आहे. पोलीस उपनिरीक्षक कराड अधिक तपास करीत आहेत.