मेगा ब्लॉकमुळे गाड्या थांबणार

जळगाव-शिरसोली दरम्यान १२ आणि १७ ऑगस्टला पाच तासाचा ब्लॉक घेण्यात येणार आहे. यामुळे काही गाड्या काही वेळांसाठी थांबविण्यात येणार असल्याचे रेल्वेने कळविले आहे.

नाशिक रोड : जळगाव-शिरसोली दरम्यान १२ आणि १७ ऑगस्टला पाच तासाचा ब्लॉक घेण्यात येणार आहे. यामुळे काही गाड्या काही वेळांसाठी थांबविण्यात येणार असल्याचे रेल्वेने कळविले आहे. १२ ऑगस्टला भागलपूर-सुरत गाडी जळगावला १०.४० ते १०.५० दरम्यान आणि एलटीटी-गोरखपूर ही शिरसोली येथे ११.२५ ते १२.५० अशी थांबेल. एलटीटी-गोरखपूर ११.४५ ते १२.५० या वेळेत म्हसावदला, मुंबई-हावडा गाडी ११.५० ते १२.५० यावेळेत माहेजी येथे थांबेल. वास्को- निजामुद्दीन १२ ते १२.५० या वेळेत आणि एलटीटी-गोरखपूर १२.३५ ते १३.०० यावेळेत पाचोरा येथे थांबेल.

१७ ऑगस्टला दिल्ली-बेंगलोर गाडी भुसावळ येथे १३.१० ते १५.५५ अशी आणि प्रयागराज-एलटीटी गाडी १३.३० ते १५.०० अशी भुसावळला थांबेल.

हावडा-मुंबई १३.५५ ते १५.१५ भुसावळला थांबेल. लखनौ-मुंबई १३.४० ते १५.०० दुसखेडा येथे आणि बनारस-एलटीटी १४.३० ते १५.०० या वेळेत सावदा येथे थांबेल.