इंदिरानगर परिसरात गणरायाला निरोप

इंदिरानगर परिसरात गणरायाला निरोप

 इंदिरानगर : गणपती बाप्पा मोरया, पुढच्या वर्षी लवकर अशा घोषणा, ढोलताशाच्या गजरात आणि गुलालाची उधळण करीत भावपूर्ण वातावरणात गणरायाला निरोप देण्यात आला.
गुरुवारी सकाळपासून घराघरात आणि मंडळांमध्ये श्री गणरायाच्या विसर्जनाची लगबग सुरू होती. यंदाही मोठ्या प्रमाणात इकोफ्रेंडली विसर्जन आणि मूर्तिदानास उदंड प्रतिसादही लाभला होता. युनिक ग्रुपच्या वतीने श्री गणरायाच्या मूर्तींचे इकोफ्रेण्डली विसर्जन नगरसेवक सतीश सोनवणे यांच्या हस्ते करण्यात आले. याप्रसंगी शैलेश कुलकर्णी, किशोर शिरसाठ, अनिल जाचक, अमित शार्दुल, कमलाकर गायकवाड यांसह सदस्य उपस्थित होते. शिवसेना प्रणीत इंदिरानगर युवक मित्रमंडळाच्या वतीने श्रींचे विसर्जन संजय गायकर यांच्या हस्ते करण्यात आले. याप्रसंगी प्रकाश चौधरी, आतिष जाधव, दिलीप सूर्यवंशी, मनोज पवार, भूषण जगताप, उपस्थित होते. ढोल-ताशाच्या गजरात श्रींचे विसर्जन करण्यात आले.