राष्ट्र सेवा दलाने दिला एकात्मतेचा संदेश

मालेगाव : हुतात्मा दिनानिमित्ताने सायंकाळी महात्मा गांधी पुतळा मोसमपूल येथे राष्ट्र सेवा दल आणि समविचारी संस्था, संघटना यांच्यावतीने राष्ट्रपिता महात्मा गांधी व भारतीय स्वातंत्र्य आंदोलनातील हुतात्म्यांना श्रद्धांजली अर्पण करण्यात आली. राष्ट्र सेवा दल जिल्हा कार्याध्यक्ष विलास वडगे व राज्यमंडळ सदस्य स्वाती वाणी यांनी महात्मा गांधी यांच्या पुतळ्याला पुष्पहार अर्पण करून अभिवादन केले.

याचठिकाणी आपण शेतकरी आंदोलनातील शहीद साथींनाही श्रद्धांजली अर्पण करणार आहोत, असे राष्ट्र सेवा दल राज्य सचिव नचिकेत कोळपकर यांनी सांगितले. त्यानंतर मौन पाळून सर्व हुतात्म्यांना व शेतकरी आंदोलनातील शहिदांना श्रद्धांजली अर्पण करण्यात आली.

यावेळी राष्ट्र सेवा दल जिल्हा संघटक रविराज सोनार, तालुका संघटक सारंग पाठक, राष्ट्रवादी काँग्रेसचे युवा नेते दिनेश ठाकरे, राजेंद्र भोसले, काकाणी नगर वाचनालयाचे अध्यक्ष अजय शाह, सुनील वडगे, राजीव वडगे, ज्येष्ठ सर्वोदयी संजय जोशी, प्रा. के. एन. अहिरे, निखील पवार, साथी अनिल महाजन, अंधश्रद्धा निर्मूलन समिती कार्याध्यक्ष संदीप खैरनार, मुजम्मिल डिग्निटी, युसुफ अब्दुल्ला, अवंती वाणी यांच्यासह कार्यकर्ते उपस्थित होते.