शहरात दोन बालिकांसह महिलांचा विनयभंग

भद्रकाली, सरकारवाडा, पंचवटी, उपनगर या पोलीस ठाण्यांमध्ये याप्रकरणी नोंद करण्यात आली आहे. शहरात निर्भया पथके कार्यान्वित करून महिला, मुलींची छेड काढण्याचे प्रकार अद्यापही सुरूच आहे.

ठळक मुद्देविनयभंग व ‘पोक्सो’चा गुन्हा दाखल भर रस्त्यावर महिलेसोबत अश्लील वर्तन

नाशिक : शहर व परिसरात महिला, मुलींची छेडछाड सुरूच असून शहरात एकाच दिवशी दोन अल्पवयीन मुलींसह महिलांचाविनयभंग झाल्याची घटना उघडकीस आली आहे. भद्रकाली, सरकारवाडा, पंचवटी, उपनगर या पोलीस ठाण्यांमध्ये याप्रकरणी नोंद करण्यात आली आहे.
शहरात निर्भया पथके कार्यान्वित करून महिला, मुलींची छेड काढण्याचे प्रकार अद्यापही सुरूच आहे. भद्रकाली पोलीस ठाणे हद्दीत पंचशीलनगरमध्ये राहत्या घराजवळ संशयित कुणाल रमेश तुपलोंढे याने येथील सार्वजनिक शौचालयाबाहेर एका अल्पवयीन बालिकेला अर्धनग्न अवस्थेत स्वत:च्या दिशेने ओढण्याचा प्रयत्न करत विनयभंग केल्याची तक्रार पिडित बालिकेच्या वडिलांनी दाखल केली आहे. याप्रकरणी संशयित कुणालविरूध्द पोलिसांनी विनयभंग व ‘पोक्सो’चा गुन्हा दाखल केला आहे.
दुसरी घटना उपनगर पोलीस ठाणे हद्दीतील लायन्स क्लब उद्यानाजवळ घडली. संशयित दुचाकीचालक ऋषिकेशा भास्कर लांडगे (१९,रा.पांडूरंग रो-हाऊ स) याने फिर्यादी व तीची मावस बहीण आणि लहान बहीण दत्तमंदीर रस्त्याने पायी जात होत्या. यावेळी लांडगे हा दुचाकीवरून (एम.एच.१५ अ‍ेव्ही ८०६२)वरून आला आणि त्याने मावस बहिणीला कट मारून डोळा मारला. यावेळी मावस बहीण रडू लागल्याने संशयित लांडगे याने तिच्या मावस बहिणीचा हात धरून भांडण करून अश्लील शिवीगाळ करू लागला यावेळी फिर्यादी बहिणीने लांडगे याच्या तावडीतून मावसबहिणीला सोडविण्याचा प्रयत्न केला असता त्याने चापटीने मारहाण केल्याचे फिर्यादीत म्हटले आहे. उपनगर पोलिसांनी संशयित लांडगे यास अटक केली असून त्याच्याविरूध्द विनयभंग व पोक्सो कायद्यान्वये गुन्हा दाखल केला आहे.
तीसरी घटना शरणपुररोड येथील राका कॉलनीजवळ सरकारवाडा पोलीस ठाणे हद्दीत घडली संशयित चिंतामणी, वारे मॅडम, मेहराज मॅडम, पुंड नावाची व्यक्ती व त्याचा अज्ञात सहकारी हे पाच ते सहा महिला पुरूष यांनी फिर्यादी पिडित महिलेच्या घरात बळजबरीने प्रवेश करून अश्लील वर्तन करत शिवागाळ करून घरातील संसारपयोगी सामान अस्ताव्यस्थ करून दहशत पसरूविण्याचा प्रयत्न केला. यावेळी महिलांसोबत असलेल्या पुरूष कर्मचाऱ्यांनी अश्लील भाषेत शिवीगाळ करत स्त्री मनास लज्जा उत्पन्न होईल, असे वर्तन केल्याप्रकरणी पोलिसांनी सर्व संशयितांविरूध्द विनयभंगाचा गुन्हा दाखल केला आहे. हे सर्व संशयित महात्मानगर येथील एका बॅँकेचे कर्मचारी आहेत. पुढीत तपास उपनिरिक्षक योगिता नारखेडे या करीत आहेत.

भर रस्त्यावर महिलेसोबत अश्लील वर्तन
चौथी घटना पंचवटी पोलीस ठाणे हद्दीत क्रांतीनगर परिसरात घडली. पिडित महिला ही आपल्या राहत्या घरासमोर पाणी मारत असताना संशयित अश्विन टिळे व त्याची पत्नी स्वाती टिळे यांनी महिलेसोबत कुरापत काढून अश्लील शिवीगाळ के ला. यावेळी अश्विन याने पिडित महिलेची ओढणी ओढून मनास लज्जा उत्पन्न होईल, असे कृत्य भर रस्त्यात करण्यचा प्रयत्न केल्याचे फिर्यादीत म्हटले आहे. तसेच फिर्यादी यास त्याने शिवीगाळ करून ‘तू घरामध्ये वेश्या व्यवसाय चालविते’ असा आरोप केल्याप्रकरणी महिलेच्या फिर्यादीवरून पोलिसांनी टिळे दाम्पत्याविरूध्द विनयभंगाचा गुन्हा दाखल केला आहे.