मुंढेगाव येथील युवकांचे ठिय्या आंदोलन

मुंढेगाव येथील युवकांचे ठिय्या आंदोलन

घोटी : मुंबई - आग्रा महामार्गावर मुंढेगाव शिवारात असणाऱ्या जिंदाल पॉलिफिल्म व ग्लोबल कारखान्यात स्थानिक युवकांना नोकऱ्या देण्यात प्राधान्य दयावे व प्रशासनाने मंजूर केलेल्या कामगारांना कामावर घेण्यात यावे या प्रमुख मागण्यांसाठी आज मुंढेगाव येथील बेरोजगार युवकांनी जिंदाल कंपनीच्या प्रवेशद्वारावर ठिय्या आंदोलन करीत कारखान्यात होणारी कच्चा मालाची वाहतूक रोखून धरली. अखेर कंपनी प्रशासनाने स्थानिक युवकांना येत्या १६ एप्रिलपर्यंत नोकरीवर घेण्याबाबत आश्वासन दिल्यानंतर हे आंदोलन मागे घेण्यात आले.या आंदोलनात मच्छिंद्र भटाटे, रोशन जाधव, हिरामण गतीर, जनार्दन गतीर, नवनाथ गतीर, विनोद दळवी, अंकुश गतीर, गोविंद भटाटे, युवराज गतीर, कल्पेश गतीर, विठ्ठल दळवी यांच्यासह युवक सहभागी झाले होते. (वार्ताहर)