VIDEO: नाशिकमध्ये भीषण अपघात! भरधाव कार शिरली दुकानात; दुकानदार थोडक्यात बचावला
By ऑनलाइन लोकमत | Published: February 5, 2022 11:34 AM2022-02-05T11:34:44+5:302022-02-05T11:43:03+5:30
नियंत्रण सुटलेली कार दुकानात शिरली; दुकानदार आणि ग्राहक थोडक्यात वाचले
VIDEO: नाशिकमध्ये भीषण अपघात! भरधाव कार शिरली दुकानात; दुकानदार थोडक्यात बचावला
Next खेरवाडी -चांदोरी रस्त्याने भरधाव वेगाने धावणाऱ्या स्विफ्ट कारवरील चालकाचा ताबा सुटल्याने कार थेट रस्त्याच्या कडेला असलेल्या किराणा दुकानात घुसली. किराणा दुकानातील सामानाचे मोठे नुकसान झाले आहे सुदैवाने जीवितहानी टळली.
नाशिकच्या निफाडमध्ये भीषण अपघात; नियंत्रण सुटलेली कार थेट शिरली दुकानात https://t.co/CbvSFUjpi9pic.twitter.com/DqeRuHLoWv
— Lokmat (@lokmat) February 5, 2022
खेरवाडी रस्त्यावर चांदोरीकडे एम एच 15 एच एम 558 स्विफ्ट कार वेगात धावत आली. गिरणारे येथील राहुल भोर ही कार चालवत होते. त्यांचा कारवरील ताबा सुटल्याने कार थेट रस्त्यालगत असणाऱ्या विठ्ठल किराणा अँड जनरल स्टोअर या दुकानात घुसली. कार इतकी वेगात आली की दुकानातील काउंटर आणि सामान अक्षरशः बाहेर फेकले गेले. भोर यांनी गाडी तेथेच ठेऊन पळ काढला. चालक दारूच्या नशेत गाडी चालवत असल्यामुळे ताबा सुटल्याचा अंदाज प्रत्यक्षदर्शींनी वर्तवला. हा सर्व थरार शेजारच्या दुकानात लावलेल्या सीसीटीव्ही कॅमेऱ्यामध्ये कैद झाला आहे.