कंटेनरला दुचाकीने दिलेल्या धडकेत सटाण्याचा युवक ठार

नाशिक : मुंबई-आग्रा महामार्गावरील भुजबळ फार्मसमोरील उड्डाणपुलावर उभ्या असलेल्या कंटेनरला पाठीमागून भरधाव आलेल्या दुचाकीने दिलेल्या धडकेत सटाण्यातील चोवीस वर्षीय तरुणाचा जागीच मृत्यू झाला, तर त्याचा सहकारी गंभीर जखमी झाल्याची घटना गुरुवारी (दि़ २२) रात्रीच्या सुमारास घडली़

ठळक मुद्देभुजबळ फार्मजवळील उड्डाणपुलावरील घटना एक गंभीर जखमी; कंटेनरचालक फरार

नाशिक : मुंबई-आग्रा महामार्गावरील भुजबळ फार्मसमोरील उड्डाणपुलावर उभ्या असलेल्या कंटेनरला पाठीमागून भरधाव आलेल्या दुचाकीने दिलेल्या धडकेत सटाण्यातील चोवीस वर्षीय तरुणाचा जागीच मृत्यू झाला, तर त्याचा सहकारी गंभीर जखमी झाल्याची घटना गुरुवारी (दि़ २२) रात्रीच्या सुमारास घडली़ भूषण सुरेश सोनवणे (रा. मीरानगर, सटाणा, ता. बागलाण, जि. नाशिक)असे मृत्यू झालेल्या तरुणाचे नाव आहे़ दरम्यान, या अपघाताची अंबड पोलीस ठाण्यात नोंद करण्यात आली आहे़

अंबड पोलिसांनी दिलेल्या माहितीनुसार, गुरुवारी रात्री साडेदहा वाजेच्या सुमारास मुंबई-आग्रा महामार्गावरील भुजबळ फार्मसमोरील उड्डाणपुलावर कंटेनर (एमएच ०४, एफक्यू ७७५६) उभा होता़ या कंटेनरचालकाने पार्किंग लाईट वा रस्त्यावर उभा असल्याची ओळख पटेल अशी कोणतीही खबरदारी घेतलेली नव्हती़ यावेळी पाथर्डी बाजूकडील उड्डाणपुलावरून दुचाकीवर (एमएच १५, एव्ही ५१३८) भूषण सुरेश सोनवणे (२४) व त्याचा सहकारी ललित दोधा सोनवणे (२२, दोघेही रा़ मीरानगर, सटाणा, ता. बागलाण, जि. नाशिक) हे दोघे येत होते़

भुजबळ फार्मसमोरील उड्डाणपुलावर उभा असलेला कंटेनर लक्षात न आल्याने सोनवणे याची दुचाकी पाठीमागून या कंटेनरला जाऊन धडकली़ यामध्ये दुचाकीचालक भूषण सोनवणे हा जागीच ठार झाला, तर पाठीमागे बसलेला ललित सोनवणे हा गंभीर जखमी झाला असून, त्याच्यावर खासगी रुग्णालयात उपचार सुरू आहेत़ दरम्यान, या घटनेनंतर कंटेनरचालक फरार झाला आहे़ या प्रकरणी गंभीर जखमी ललित सोनवणे यांच्या फिर्यादीनुसार कंटेनरचालकाविरोधात अंबड पोलिसांनी गुन्हा दाखल केला आहे़