एकलहरेतील जुगार अड्ड्यावर पोलिसांचा छापा

नाशिक : एकलहरा रोडवरील रेल्वे रुळाच्या बाजूला सुरू असलेल्या जुगार अड्ड्यावर रविवारी (दि़१९) दुपारी नाशिकरोड पोलिसांनी छापा टाकला़ या ठिकाणी जुगार खेळणाऱ्या नऊ जुगा-यांना पोलिसांनी ताब्यात घेतले असून, त्यांच्याकडून रोख रक्कम व जुगाराचे साहित्य जप्त करण्यात आले आहे़

ठळक मुद्देनऊ जुगारी ताब्यात : नाशिकरोड पोलीस ठाण्यात गुन्हा दाखल

नाशिक : एकलहरा रोडवरील रेल्वे रुळाच्या बाजूला सुरू असलेल्या जुगार अड्ड्यावर रविवारी (दि़१९) दुपारी नाशिकरोडपोलिसांनी छापा टाकला़ या ठिकाणी जुगार खेळणाऱ्या नऊ जुगा-यांना पोलिसांनी ताब्यात घेतले असून, त्यांच्याकडून रोख रक्कम व जुगाराचे साहित्य जप्त करण्यात आले आहे़

अरिंगळे मळा येथील रेल्वे रुळाच्या बाजूला जुगार सुरू असल्याची माहिती पोलिसांना मिळाली होती़ त्यानुसार दुपारी अडीच वाजेच्या सुमारास छापा टाकला असता संशयित प्रकाश बागुल (रा. आनंदनगर), संजय बर्वे (रा. अरिंगळे मळा), महेंद्र सोनवणे (रा. त्रिमूर्तीनगर), विठ्ठल हुच्चे (रा. अरिंगळे मळा), आप्पा झारखंडे (रा. ओढा रोड), आकाश गिरजे (रा. अरिंगळे मळा), रामराव जाधव ( रा. अरिंगळे मळा), महेश अहिरे (रा. गवळीवाडा), मंगेश इंगळे (रा. अरिंगळे मळा) हे पत्त्यांवर अंदर-बाहर जुगार खेळत होते़

पोलिसांनी या संशयितांकडून जुगाराचे साहित्य व रोख रक्कम जप्त केली आहे. या प्रकरणी पोलीस शिपाई समाधान वाजे यांनी नाशिकरोड पोलीस ठाण्यात फिर्याद दिली आहे.