निफाडला पोलिसांचा रूट मार्च

निफाड    : शहरात कोरोनाच्या  काळात नागरिकांनी रस्त्यावर गर्दी करू नये, मास्कचा वापर करावा  याबाबत  लोकांमध्ये जनजागृती व्हावी या उद्देशाने   पोलीस ठाण्याच्या वतीने उपअधीक्षक  सोमनाथ तांबे  यांच्या मार्गदर्शनाखाली    पोलीस निरीक्षक रंगराव सानप  यांच्या  नेतृत्वाखाली  रूट मार्च काढण्यात आला होता.
 हा रूट मार्च  छत्रपती शिवाजी महाराज चौक, डॉ.  बाबासाहेब आंबेडकर चौक, मामलेदार चौक, उपजिल्हा रुग्णालय रोड,  उगाव रोड, शांतीनगर त्रिफुली या मार्गाने काढण्यात आला.  रूट मार्च शहरातून जात असताना   नागरिकांनी  रस्त्यावर  विनाकारण गर्दी करु नये, 
मास्कचा वापर करावा या  सूचना ध्वनिक्षेपकावरून  नागरिकांसाठी दिल्या जात होत्या. रूट मार्चमध्ये  पोलीस उपनिरीक्षक अमोल 
पवार यांचेसह १७ पोलीस अंमलदार,  पोलीस मुख्यालय अखिल स्टायकिंग फोर्स, १५ होमगार्ड सहभागी झाले होते.