आता नाशकात मास्क न लावणाऱ्यांवर थेट गुन्हे दाखल होणार

नाशिक-  शहरात काेरोना बाधीतांची संख्या वाढत असताना मास्क न लावणाऱ्या आणि सार्वजनिक ठिकाणी थुंकणाऱ्यांचे प्रमाण देखील वाढ आहे त्या पार्श्वभूमीवर आता महाापालिकेने आणखी कडक कारवाई करण्याचा निर्णय घेतला असून आता मास्क न लावणाऱ्यांना दोनशे ऐवजी पाचशे रूपयांचा दंड होईलच शिवाय गुन्हा दाखल होणार आहे. 

ठळक मुद्देआयुक्तांचे आदेश  दंड दोनशे ऐवजी पाचशे रूपये कोरोना चाचणीही होणार

 

नाशिक-  शहरात काेरोना बाधीतांची संख्या वाढत असताना मास्क न लावणाऱ्या आणि सार्वजनिक ठिकाणी थुंकणाऱ्यांचे प्रमाण देखील वाढ आहे त्या पार्श्वभूमीवर आता महाापालिकेने आणखी कडक कारवाई करण्याचा निर्णय घेतला असून आता मास्क न लावणाऱ्यांना दोनशे ऐवजी पाचशे रूपयांचा दंड होईलच शिवाय गुन्हा दाखल होणार आहे. 

महापालिका आयुक्त कैलास जाधव यांनी यासंदर्भात आदेश निर्गमीत केले असून ते स्वच्छता निरीक्षक आणि संबंधीना पाठवळे आहे. गेल्या वर्षाच्या अखेरीस कोरोना नियंत्रणात आल्यानंतर देखील केवळ आरोग्य नियमांचे पालन न झाल्याने पुन्हा कोरोना वाढत गेला आहे. इतकेच नव्हे तर गेल्या वर्षीच्या तुलनेत अधिक वेगाने फैलाव होत आहे. महापालिकेने आधी दोनशे रूपयांचा दंड केला त्यानंतर एक हजार रूपये अशी दंडात वाढ केली. परंतु नंतर दंड वसुल करणे हा उद्देश नसल्याचे आयुक्तांनी सांगितले आणि दंडाची रक्कम पुन्हा दोनशे रूपयेच केली मात्र, त्यानंतरही सार्वजनिक ठिकाणी मास्कचा वापर न करणाऱ्यांची संख्या वाढत असून दुसरीकडे दंड भरूनही नियमांचे उल्लंघन सुरू आहे, त्या पार्श्वभूमीवर महापालिका आयुक्तांनी आता दंडाची रक्कम वाढवून ती दोनशे ऐवजी पाचशे रूपये केली आहे. शिवाय मास्क न लावणाऱ्यांवर थेट गुन्हे दाखल होणार आहेत. तसेच विनामास्क व्यक्तींना पकडून त्यांची स्वॅब घेऊन आरटीपीसीआर म्हणजेच कोरोना चाचण्या घेण्यात येणार आहे.