हिसवाळला वृद्धाची आत्महत्या

-----------------

बेशुद्ध अवस्थेत आढळलेल्या तरुणाचा मृत्यू

मालेगाव :- मुंबई - आग्रा महामार्गावर देवारपाडे शिवारात बेशुद्ध अवस्थेत आढळलेल्या मोहम्मद शाहिद सिराजुद्दीन शेख (२१) रा जमुर नगर या तरुणाचा मृत्यू झाला. त्याला जखमी व बेशुद्ध अवस्थेत धुळे येथील जिल्हा रुग्णालयात उपचारार्थ दाखल केले होते,मात्र उपचार सुरू असताना त्याचा मृत्यू झाला. याप्रकरणी तालुका पोलीस ठाण्यात अकस्मात मृत्यूची नोंद घेण्यात आली आहे . पुढील तपास हवालदार गुजर करीत आहेत.

-----------

अजंग येथून महिलेचे दागिने लंपास

मालेगाव :- तालुक्यातील अजंग येथून अज्ञात दोघा भामट्यांनी महिलेचे एक लाख रुपये किमतीचे दागिने फसवणूक करून चोरून नेले आहेत. याप्रकरणी वंदना बापू पवार या महिलेने वडनेर खाकुर्डी पोलीस ठाण्यात फिर्याद दिली . पवार व तिची मुलगी निशा हिला अज्ञात दोघा भामट्यांनी भांड्यांना व दागिन्यांना पॉलिश करून उजळून देतो, असे सांगत फसवणूक करून एक लाख रुपये किमतीचे दागिने चोरून नेले आहेत. पुढील तपास पोलीस उपनिरीक्षक राजपूत करीत आहेत.

-----------

मालेगाव कॅम्प भागातून दुचाकी चोरीला

मालेगाव :- शहरातील भागातून २० हजार रुपये किमतीची दुचाकी अज्ञात चोरट्यांनी चोरून नेल्याप्रकरणी पोलीस ठाण्यात गुन्हा दाखल करण्यात आला आहे. या प्रकरणी नदीम शरीफ मन्सुरी यांनी फिर्याद दिली आहे. त्यांच्या मालकीची दुचाकी क्रमांक एम एच ४१ एस २४७९ ही अज्ञात चोरट्यांनी चोरून नेली. पुढील तपास हवालदार मोरे करीत आहेत.

------------------

महिलेला मारहाण करणाऱ्या पाच जणांविरुद्ध गुन्हा

मालेगाव :- तालुक्यातील अजंदे येथे महिलेला मारहाण करणाऱ्या पाच जणांविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी सुरेखा संजय दुदे यांनी फिर्याद दिली आहे. घराच्या वाटणीची कुरापत काढून सजन भाऊराव दुदे, योगेश सजन दुदे, विमलबाई सजन दुदे, कौतिक बबन दुदे सर्व रा अजंदे यांनी शिवीगाळ व मारहाण केल्याचे फिर्यादीत म्हटले आहे. पुढील तपास हवालदार खांडेकर करीत आहेत.