दोन गावठी कट्ट्यांसह एकाला अटक

------

रिक्षाच्या धडकेत दुचाकीस्वार जखमी

मालेगाव : शहरातील सखावत हॉटेलजवळ रिक्षाने दुचाकीला दिलेल्या धडकेत मुलगा जखमी झाला आहे. रिक्षाचालकाविरुद्ध आयेशा नगर पोलीस ठाण्यात गुन्हा दाखल करण्यात आला आहे. याप्रकरणी मोहंमद साकीब याकूब यांनी आयेशानगर पोलिसात फिर्याद दिली आहे. मोहंमद साकीब हे दुचाकी क्रमांक एमएच ४१ एच ९६५ वरून जात असताना रिक्षा क्रमांक एमएच ४१ डी २८९३ वरील चालकाने धडक दिली. या धडकेत मुलगा जखमी झाला आहे. पुढील तपास हवालदार कदम करीत आहेत.

------

विवाहितेचा छळ करणाऱ्या चौघा जणांविरुद्ध गुन्हा

मालेगाव : लग्नात मानपान दिला नाही, अशी कुरापत काढून विवाहितेचा मानसिक व शारीरिक छळ करणाऱ्या पती प्रवीण शिवाजी अहिरे, रा. ठेंगोडा, ता. सटाणा याच्यासह अन्य तिघा जणांविरुद्ध वडनेर खाकुर्डी पोलीस ठाण्यात गुन्हा दाखल करण्यात आला आहे. याप्रकरणी प्रीता प्रवीण अहिरे या विवाहितेने फिर्याद दिली आहे. पुढील तपास हवालदार पवार करीत आहेत.

------

ट्रक पळविणाऱ्याविरुद्ध गुन्हा दाखल

मालेगाव : मुंबई - महामार्गावरील एका हॉटेलच्या मोकळ्या जागेतून १३ लाख रुपये किमतीची मालट्रक चोरून नेणाऱ्या तिघा जणांविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी गुलाब गफ्फार पिंजारी रा. जळगाव यांनी फिर्याद दिली आहे. त्याच्या ताब्यातील ट्रक क्रमांक एमएच १५ एफव्ही ७९४५ ही हॉटेल आवारात उभी असताना कुलदिप ऊर्फ गोलू तुळशिराम थोरात, अनिल भिका महाजन, गणेश सुभाष पवार या तिघांनी चोरून नेली आहे. पुढील तपास सहायक पाेलीस उपनिरीक्षक गुजर करीत आहेत.

------

अल्पवयीन मुलीला पळवून नेणाऱ्याविरुद्ध गुन्हा

मालेगाव : तालुक्यातील पाडळदे येथील अल्पवयीन मुलीला पळवून नेणाऱ्या सोपान पांडुरंग मंडळ रा. पाडळदे याच्याविरुद्ध तालुका पोलीस ठाण्यात गुन्हा दाखल करण्यात आला आहे. याप्रकरणी पीडित मुलीच्या वडिलांनी फिर्याद दिली आहे. त्यांच्या अल्पवयीन मुलीला काहीतरी आमिष दाखवून फूस लावून पळवून नेल्याचे फिर्यादीत म्हटले आहे. पुढील तपास गुजर करीत आहेत.

-------

कारच्या धडकेत दुचाकीस्वार ठार

मालेगाव : तालुक्यातील गुगुळवाड शिवारात कारने समोरून धडक दिल्याने झालेल्या अपघातात दुचाकीस्वार किशोर हिरामण गायकवाड (३८) रा. गुगुळवाड यांचा मृत्यू झाला. याप्रकरणी प्रकाश हिरामण गायकवाड यांनी फिर्याद दिली आहे. कार क्रमांक एमएच ०२ सीडब्ल्यू २६०९ वरील चालकाने समोरुन येणाऱ्या दुचाकीला धडक दिली. या धडकेत किशोर गायकवाड यांचा मृत्यू झाला तर अनिल रामदास पवार जखमी झाले आहेत. याप्रकरणी पुढील तपास हवालदार गुजर करीत आहेत.

-------