टेंपो-दुचाकी अपघातात वैजापुरचा एक ठार, दोघे गंभीर

नांदगाव : नांदगांव : औरंगाबाद रस्त्यावर टेंपो व दुचाकी यांच्यात माणिकपुंज पाटचारीवर झालेल्या अपघातात एक ठार तर दोघे गंभीर जखमी झाले आहेत. जखमींना नांदगांव ग्रामीण रूग्णालयात दाखल करण्यात आले आहे . घटनेतील एम एच ०४/एस ७० हा माती वाहून नेणारा टेंपो औरंगाबादकडून जळगाव बु शिवारात विटभट्टीवर येत असतांना विरूद्ध दिशेने येणारी तीन सिट स्वार असलेली मोटारसायकल यांच्यात टक्कर झाली. भगवान रावजी ठाकरे (२४) जागीच ठार झाला व त्याच्यासोबत असलेले मंजु हरी गोविंद ठाकरे (२४) व सुकालाल गायकवाड हे गंभीर जखमी झाले (सर्व रा.तळवाडे ता वैजापुर) येथील आहेत. टेंपो चालक सोमनाथ शिवदास पते यास पोलिसांनी अटक केली आहे .