पिंपळगावी दोन वेगवेगळ्या अपघातात एक ठार

याबाबत पिंपळगाव पोलीस ठाण्यात अपघाताचा गुन्हा दाखल करण्यात आला आहे. गेल्या दोन दिवसांत या पिंपळगाव परीसरातील हा चौथा अपघात झाला असून, अपघाताच्या घटनांमध्ये दिवसेंदिवस वाढ होत आहे. याबाबत सविस्तर माहिती अशी की, मुंबई-आग्रा महामार्गावर बुधवारी( दि.१) दुपारी साडेतीन वाजण्याच्या सुमारास हाॅटेल दौलतसमोर शिरवाडे फाट्यानजीक (क्रमांक एम एच१५ इजी६४६३) हा छोटाहत्ती टोमॅटो भरून चांदवडकडून पिंपळगावच्या दिशेने येत असताना, पाठीमागून भरधाव वेगाने येणाऱ्या (क्रमांक एम एच ४१ जी ९१५८) या कांद्याने भरलेल्या पिकअपने छोटाहत्तीला पाठीमागून जोरदार धडक दिली. त्यात छोटाहत्ती उलटला. या अपघातात संतोष शंकर जाधव, सुधाकर वाळुबा जाधव, (दोघेही राहणार मु.पो.भयाळे ता. चांदवड) तर चेतन जाधव (वय २५, राहणार ताहराबाद ता.सटाणा) हे तिघेजण गंभीर जखमी झाले, तर पिंपळगाव बसवंत बाजार समितीच्या परिसरात देवळा तालुक्यातील दहीवड येथील शेतकरी पिकअप वाहनात आपला टोमॅटो माल घेऊन जात असताना, पिंपळगाव शहरातील जोपुळ रोडवर वाहनवरील चालकाचे नियंत्रण सुटल्याने वाहन थेट समोरील ट्रॅकवर जाऊन जोरदार आदळले. त्यात पिकअप वाहनातील विशाल मधुकर वाघ (२२) रा. दहीवड ता.देवळा याचा मृत्यू झाला आहे. याबाबत पिंपळगाव पोलीस ठाण्यात अपघाताचा गुन्हा दाखल करण्यात आला आहे. घटनेचा पुढील तपास पोलीस निरीक्षक भाऊसाहेब पटारे यांच्या मार्गदर्शनाखाली पोलीस अधिक तपास करत आहे.

फोटो- १० पिंपळगाव ॲक्सिडेंट

010921\01nsk_60_01092021_13.jpg

 फोटो- ०१ पिंपळगाव ॲक्सीडेंट