दुचाकीच्या धडकेत एकाचा मृत्यू

झालेल्या एका व्यक्तीचा उपचारादरम्यान मृत्यू झाला. हा अपघात त्र्यंबक रोडवरील

मायको सर्कल या ठिकाणी घडला.

भटू फकिरा गांगुर्डे (५२, रा. ओमनगर, दसक , जेलरोड) असे या अपघातात ठार झालेल्या व्यक्तीचे नाव आहे. ३ मार्च रोजी

गांगुर्डे हे एका व्यक्तीच्या दुचाकीवरून नाशिककडे जात असताना दुसऱ्या भरधाव दुचाकीने धडक दिली. यामध्ये पाठीमागे बसलेले गांगुर्डे हे गंभीर

जखमी झाले होते. त्यांच्यावर खासगी रूग्णालयात उपचार सुरू होते. उपचार सुरू असताना त्यांचा २२ मार्चला मृत्यू झाल्याचे डॉक्टरांनी घोषित केले.

याप्रकरणी सरकारवाडा पोलीस ठाण्यात अज्ञात दुचाकी चालकाविरोधात गुन्हा दाखल करण्यात आला आहे.

---

प्लंबिंगचे साहित्य लांबविले

नाशिक : बंगल्याच्या आवारात ठेवलेले प्लंबिंगचे २० हजार रूपये किमतीचे साहित्य चोरट्यांनी लांबविल्याची घटना सिडकोच्या बडदे नगर परिसरात घडली.

याप्रकरणी शशांक दिगंबर पगार (रा. डॉ. वसंतराव पवार मेडिकल कॉलेज) यांनी तक्रार दाखल केली आहे. पगार यांचा बंगला बडदे नगर येथे असून अज्ञात चोरट्यांनी बंगल्याच्या गच्चीचा दरवाजा तोडून चोरट्यांनी आत प्रवेश केला. आवारात पडलेले साहित्य भुरट्या चोरट्यांनी चोरून पळ काढला. याप्रकरणी अंबड पोलीस ठाण्यात गुन्हा दाखल करण्यात आला आहे.

---

जुन्या वादातून हाणामारी

नाशिक : जुन्या भांडणाची कुरापत काढून टोळक्याने एकास बेदम मारहाण

केल्याची घटना इंदिरानगर पोलीस ठाणे हद्दीतील स्वराज नगर येथे घडली. संशयित सुभाष बाेराडे व शुभम आरगाडे (रा. दोघेही रामकृष्ण नगर) या दोघांनी त्यांच्या अन्य साथीदारांच्या मदतीने

फिर्यादी तुकाराम महिपत मोजाड (रा. स्वराज नगर, इंदिरा नगर) यांना मारहाण केली. या टोळक्याने मोजाड यांच्या घरी जाऊन धमकावत ‘ तू अंकुश अहिरेला पोलीस केसमध्ये अडकवले’ अशी विचारणा करत कुरापत काढून बेदम मारहाण केली. याप्रकरणी इंदिरानगर पोलीस ठाण्यात गुन्हा दाखल करण्यात आला आहे.