नुकसानीच्या भरपाईची मागणी करून एकास जबर मारहाण

अपघातातील नुकसानीच्या भरपाईची मागणी करून एकास पाच ते सहा संशयितांनी बेदम मारहाण करून मोबाइल खेचून नेल्याची घटना शनिवारी (दि.४) सकाळी सिडकोतील शुभम पार्क येथे घडली़ या प्रकरणी पोलिसांनी संशयित संतोष गायकवाड यास अटक केली आहे़

नाशिक : अपघातातील नुकसानीच्या भरपाईची मागणी करून एकास पाच ते सहा संशयितांनी बेदम मारहाण करून मोबाइल खेचून नेल्याची घटना शनिवारी (दि.४) सकाळी सिडकोतील शुभम पार्क येथे घडली़ या प्रकरणी पोलिसांनी संशयित संतोष गायकवाड यास अटक केली आहे़  चेतन दत्तात्रय पिंगळे (रा. पवननगर, सिडको) या तरुणाने दिलेल्या फिर्यादीनुसार सकाळी सव्वानऊ वाजेच्या सुमारास संशयित संतोष गायकवाड व त्याचे सहा साथीदार कारमधून (एमएच १५, एफएफ ९०७०) आले़ त्यांनी जुन्या अपघाताची कुरापत काढून भरपाईच्या पैशांची मागणी केली. त्यावरून संशयितांनी चेतनला कारमध्ये बसवून बेदम मारहाण केली. तसेच त्याच्याकडील सॅमसंगचा मोबाइल व सीमकार्ड बळजबरीने काढून घेतला़ या प्रकरणी अंबड पोलिसांत गुन्हा दाखल करण्यात आला आहे.
इंदिरानगरमध्ये तरुणाची आत्महत्या
पाथर्डी फाट्यावरील प्रशांतनगरमधील तरुणाने राहत्या घरी गळफास घेऊन आत्महत्या केल्याची घटना रविवारी (दि़५) दुपारच्या सुमारास घडली़ शुभम अशोक चव्हाण (२०) असे आत्महत्या केलेल्या तरुणाचे नाव आहे़
दुपारी साडेबारा वाजेच्या सुमारास शुभमने बेडरूममधील पिलरला ओढणीद्वारे गळफास घेतला़ त्यास मित्र प्रणव लहामगे याने उपचारासाठी दाखल केले असता डॉ़ गडे यांनी तपासून मयत घोषित केले़ दरम्यान, आत्महत्येचे कारण समजू शकले नाही.
दहा वर्षीय मुलाचे अपहरण
हिरावाडीतील भगवतीनगरच्या तुळजाभवानी उद्यानात खेळत असलेला दर्शन ज्ञानेश्वर पवार या दहा वर्षीय मुलाचे शनिवारी (दि़४) दुपारी अपहरण केल्याची घटना घडली़ या प्रकरणी गुन्हा दाखल करण्यात आला आहे़